我本來係Book咗Kimchumma 5/2去濟州影Pre-wedding嘅，出發前佢哋好貼心咁主動聯絡我，話見到天氣報告話5/2好大機會會落雨，於是佢哋建議我哋改期，仲好快咁通知晒所有負責單位，結果提前咗一日影，當日勁好天🌞！

我本身只係見到朋友一張外國影嘅油畫好靚，於是就諗到想去韓國影Pre-Wedding，上網一搵就搵到Kimchumma，咁就開始問佢哋資料。佢哋嘅團隊好細心咁解答我嘅問題，我想影香港無嘅元素，唔想同人哋一式一樣，我只係講咗幾句，佢哋好快就Get到我想要咩，完全將我虛無嘅想法實體化～

我Book嗰陣佢哋有9個Studio，即使我嗰陣仲未落訂，佢哋都答得好詳細，好願意俾我睇更多相同Reference！🥳 我本身有選擇困難症，揀Studio嘅過程有好多疑問，好耐都未揀好，就算我香港時間放工打電話俾佢，Kimchumma喺濟州嗰邊係夜晚時間，佢都好樂意咁解答我嘅問題！我一直都好想影山茶花，所以經過過往天氣資料搜查之後，決定2月份去濟州影～ 😎

去到我哋根本唔駛擔心溝通嘅問題，因為Kimmchuma係嫁左過去韓國嘅香港人，現場除咗有佢做翻譯同領隊之外，佢嘅老公亦擔當司機大哥嘅角色，而且英文好好，全程溝通都無問題！😉 影相嗰朝早我哋去到Studio，團隊入面嘅女化妝師幫我哋化妝，佢真係化得好好，選色啱我之餘，底妝亦好貼服，髮型完全跟到我嘅Reference，真係估唔到喺外國竟然都可以做到我完全想要嘅效果！造型配合場景之餘，仲好襯我自己本身嘅風格！佢哋仲好用心咁幫我揀衫，俾咗好多意見我～👍

本身我想影山茶花，覺得紅色嘅花好靚🌺，當時2月有3-5度，氣溫唔夠凍，所以山茶花生長唔到，但我真係好想影花～ 攝影師知道之後，叫我唔駛擔心，馬上由Social Media、新聞等途徑搵資料，最後我哋朝早影油菜花，之後影梅花、綠茶田，最後影海旁、日落，天色由橙變藍，最後仲有去返綠茶田影夜景，滿足我鐘意顏色上嘅變化，由朝早7點影到夜晚9點，足足14個鐘！ 影嘅過程攝影師都不斷教我哋擺Pose，而且仲好搞笑咁會扮新娘嘅笑容同動作，仲會攬住我老公，令現場氣氛好開心！🤣 而且因為現場好凍，化妝師好貼心咁預備暖包、羽絨，當攝影師一話OK就衝出嚟包住我，真係好Warm！🥰

重點係未返到香港佢哋已經俾咗啲相我哋揀，之後我自己揀相揀多咗，想整多一本相簿，佢仲有好多意見俾我，例如會Suggest我可以用日頭 / 夜晚主題去劃分相簿～ 最終嘅製成品我當然好滿意！🤩

因為我鍾意韓國，所以一開始我哋都已經想搵去韓國影pre-wedding嘅公司啦。之後去行咗兩日婚展，其中一日我哋都係收工先去，結果淨係睇咗一間，因為未行完就俾人捉住係咁sell，到最後響鐘先肯放我走。不過第一日俾嗰個人係咁sell都有啲好處，因為佢令到我知道如果去韓國首爾嗰啲studio嘅話就無必要搭飛機啦，所以我就決心係要搵去戶外影㗎啦🤓。

我自己之前去過一次濟州，覺得啲風景好靚，所以偏向想去濟州嗰邊影。之後第二日我就搵咗個朋友同我一齊去，佢做開婚禮行業嘅嘢，所以好清楚點樣同啲人傾。我就一個鐘內行晒所有有關海外婚紗攝影嘅攤位同攞埋啲資料，其中一間就係Kimchumma啦。我好唔鍾意嗰啲一埋嚟就係咁講嘅，但係Kimchumma無咩sell我，我喺佢哋嗰度stay咗都唔知有無十分鐘，但係喺咁短時間佢哋都好清楚解釋到俾我聽，講到明唔會有任何隱藏收費👍🏻。同埋佢哋好吸引嘅係有一個攝影師係會影埋航拍嘅，係一個gimmick嚟嘅。價錢方面佢哋都算適中嘅，我睇過其他去濟州影嘅公司，有平過佢哋好多嘅但係就無咩配套，都有貴過佢哋成倍嘅，但係我就覺得唔需要咁奢華，所以Kimchumma嘅性價比都算係最高啦😆。我最後join咗佢哋嘅pre-wedding攝影package，包埋住宿嘅，佢哋話咁樣就方便佢哋嚟接送我哋。

第一晚落機我哋喺佢哋度休息一晚，第二日就去影相啦，影完之後又可以休息一晚第二日再執嘢走啦。我都有補多少少錢再喺佢哋度住多一晚，咁時間就會充裕啲，我哋又唔洗咁辛苦啦。因為我2018年就去咗行婚展，但係就2019年先影，所以變相時間會比較長，我都煩咗佢哋好多次🙈。因為我想影得完美啲，但係海外攝影就無得先試咗啲婚紗先，因為Kimchumma喺香港無公司，所以我都有擔心呢樣嘢。不過佢哋同我講話韓國人嗰邊好快手嘅，所以唔洗擔心，咁我都放心啲。但係都有個小插曲嘅，開頭佢哋俾咗兩件studio我去揀婚紗，我覺得第一間嘅款比較少，所以就轉咗第二間。我自己本身係想揀條拖尾嘅，但係拖尾好多戶外都唔俾，因為驚會勾爛同污糟。我想揀嗰間多款揀嘅studio就係咩都唔包嘅，唔包拖尾裙，同埋有啲款有啲額外收費，不過一開始Kimchumma都溫馨提示我呢樣嘢，同埋佢哋知我想搵拖尾裙，仲特登幫我搵多間係可以俾我揀多條拖尾裙出去影相，我就自己上網睇定啲款。原本去到都淨係可以試自己揀啱嗰兩三條嘅，但我都試咗差唔多一般咁濟，真係好好，我最後都揀到自己鍾意嘅款啦🥰。

我哋一早就開咗個whatsapp group，有Kimchumma同佢嘅韓國人老公，佢哋喺我去濟州前兩日就同我講話紅葉未紅得晒，因為我10月去濟州就係想影紅葉嘅，佢哋就算無行程都會特登去到我想影嗰個位睇咗先，但係發現真係唔夠紅，所以Kimchumma嘅先生就幫我同攝影師溝通，介紹咗第二種紅葉，就唔同我哋平時喺香港睇開嗰種，會比較喺樹頂多啲。之後佢哋都send咗啲人哋影過嘅相俾我睇下o唔ok，好上心，幫我做埋research同諗埋方法。佢哋提供好多除咗紅葉之外嘅場景俾我選擇，原本應該係影三個場景嘅，我最後都影咗五個，影咗紅葉、海邊、芒草、花。影咗好多嘢，過程唔會覺得辛苦，佢哋照顧得我哋好好。

我已經介紹咗Kimchumma俾其他朋友啦，我覺得target咗想去濟州影pre-wedding嘅新人都會適合，因為佢哋都好細心。譬如佢哋都會同我哋講定可以準備定啲香港特產同個攝影師share食下，相處可以融洽啲，咁到時影相嘅氣氛都會好啲開心啲啦。我聽過其他朋友講話佢影pre-wedding個攝影師好有性格，同佢夾唔到，搞到影出嚟嘅相佢好唔滿意。Kimchumma嘅攝影師都好好，唔會要求我哋啲咩特別嘢，我都識少少韓文，但係有時真係唔明，或者Kimchumma唔喺隔離翻譯嘅時候，佢都會即刻自己做埋pose話俾我哋聽要點樣，咁我哋都可以即刻理解到啦。

最後啲相出到嚟我哋都好滿意啊，係我哋心目中想要嘅style😊。佢哋可以引進多啲唔同風格類型嘅攝影師就更加好啦，彈性都會多啲。不過可能都唔關佢哋事，因為韓國style就係咁，變咗嘅話可能就唔係韓式啦。