2020年05月22日 14:44:55
最近外國婚禮上流行呢款水晶蛋糕(Geode cakes)，蛋糕入面鑲嵌著像真度極高嘅紫水晶、藍寶石、綠晶石等，奢華外觀靚到令人驚豔，以為只係得外國先有？Noway～其實香港都有唔少蛋糕師都開始整呢款靚Cake俾新娘子選擇呢～
文：婚享會編輯部｜圖：網上圖片
水晶蛋糕(Geode cakes)
呢款蛋糕原來最初係由美國蛋糕設計師Rachael Teufel構思創造，開頭只係諗住用來慶祝朋友結婚作送禮之用，估唔到會咁受Sis歡迎呢～
正所謂靚嘢好快俾人知，憑住華麗嘅賣相，令呢款Geode Cake於網上被人瘋傳，唔少蛋糕師紛紛研究自家水晶蛋糕嘅獨特設計，令到水晶蛋糕嘅款式愈出愈多～
水晶蛋糕嘅製作過程，蛋糕師會先用冰糖塊砌成水晶石形狀，再按照寶石顏色塗上紫色、藍色或綠色等，再以朱古力糖皮塑造其餘立體部分。
如果SIS們對呢款蛋糕都有興趣嘅話，其實香港都有啲蛋糕店會用水晶蛋糕㗎～等小編推介以下幾款俾大家啦～
Phoenix Sweets - 翻糖Amethyst (紫水晶) 蛋糕
內裏的蛋糕口味可以選伯爵茶，玫瑰牛油忌廉夾心、雲尼拿，雜莓牛油忌廉夾心、蜂蜜柚子，熱情果牛油忌廉夾心以及朱古力，朱古力牛油忌廉夾心，總有一款啱親戚口味～
IG Cake Shop I.sdesserts 都有推出一款紫水晶蛋糕，配上漸變嘅奶白顏色，即刻令幸福感提升唔少呢～
The Symphony Designer Cakes 呢款紫水晶蛋糕特別之處，係於蛋糕外層畫上近期大熱嘅灰白色大理石紋，啱哂走高貴典雅路線嘅B2B啊。
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略： www.bespoke-wedding.com/
