我哋喺婚展見到365 workshop嘅backdrop就已經覺得好吸引啦，老公行第一次已經留意到佢，了解咗覺得好鍾意所以就揀咗佢哋影pre-wedding啦😆。佢哋嘅package係包埋裙嘅，啲裙都好靚😍。攝影師Will都影得好好，會搵我最靚嘅一面去影，我哋都好快就收返啲相，最後出嚟嘅相都好自然好有味道，唔會執得好勁，我哋都好鍾意🥰。

我行婚紗展時揀咗365 workshop幫我做pre-wedding同婚禮當日攝影。

Pre-wedding影婚紗相時，我地去咗西環碼頭、西貢獅子會、山頂公園。事前佢地有問我鍾意咩view，我地鍾意海同樹林，之後佢地就推薦咗幾個地方。我地睇過下d相，就決定去呢幾個地方。可惜攝影當日落雨，有時都幾大雨，影出嚟係陰天，後期製作都應該好難執返好天氣。佢地安排嘅人手都足夠，係落雨嘅時候亦都會拎件披肩比我。成個package最好係包埋化妝同衫，因為佢地有同兩間婚紗舖合作，衫嘅款式選擇好多，質素好滿意。佢地提供嘅免費化妝都唔錯，配合到我嘅要求。婚紗相影出嚟嘅效果唔錯，但同當初喺婚展見到嘅有少少唔同。我諗其中一樣係我地影嗰日天氣唔好，後製部分執相大概做到六成效果，我expect會比較唯美，但影出嚟嘅效果就無咁夢幻。

婚禮當日有兩個影相、一個拍片，但佢地之間嘅溝通好似麻麻地...一個叫我企，一個叫我行，無乜默契。婚禮後佢地已經send晒d相同片比我，條片都呈現到婚禮當日感動同重要嘅moment，質素正常，但就無咩特別～