周大福有條line係婚嫁系列，叫Forevermark，因為佢哋呢條line主打係個天鵝托，本身你買隻求婚戒指，佢個托係會托到粒石大粒啲，我買一卡，睇落都真係再大啲。佢地造工真係靚。 我係喺尖沙咀K11分店買，佢哋sales都有笑容，算係殷勤。我自己都有做功課先去。我都有諗過會唔會好多國內客，但上到去就唔多，因為佢哋話去哂彌敦道。 如果佢哋可以解釋得詳細啲就更加好。我覺得佢哋嘅sales唔係個個對鑽石咁認識，如果可以解釋到粒石啲切割，color，咁就會更好。

之前喺婚展睇完好多都覺得好貴唔係太啱，諗住結婚介指都係長戴，所以唔想買咁貴嗰啲，於是咁啱喺太子經過周大福就入去睇睇。我覺得佢哋都好好，雖然我唔係買啲好貴嘅款，佢都好用心同我介紹，又幫我哋試。