位於港鐵將軍澳站上蓋，擁有全港最大宴會廳之一及獨特的圓形露天證婚花園「姻園」。致力為追求完美的新人全方位，締造一場夢寐以求、畢生難忘的婚禮，為摯愛親朋帶來全新的甜蜜驚喜。無柱宴會廳可筵開72席婚宴，全廳樓高6.75米，面積超過10,000平方呎，高貴裝潢盡顯豪華氣派，設有高清LED背景牆；連接偌大的露天平台及迎賓區，專為新娘而設的獨立新娘房，房內設有洗手間、電腦匙卡及直播宴會廳的平板電視，新人與賓客同樣能感受無上尊貴。讓新人在藍天白雲下締結婚約，以青山綠草作見證，舉行一場浪漫動人的證婚典禮。「姻園」自成一角，宛如都市中的綠洲，清新氣息瀰漫。
會揀喺Crowne Plaza擺酒一嚟係因為我住將軍澳，都好近我屋企，同埋我原本都同啲親戚book咗喺呢間酒店過夜參加我嘅婚宴，二嚟我哋睇場嘅時候都已經好鍾意佢哋證婚場嘅草地😍。一開始我睇婚宴場地係想揀返啲中心啲嘅地方嘅，咁好似大家嚟都方便啲，就有上去其他酒店睇過比較下，但最後都係覺得Crowne Plaza證婚場嘅草地最靚，其他場都無佢哋咁靚，所以最後就揀咗呢度啦。因為我哋唔係睇第一間就搵佢哋，都去到好後期先去佢哋嗰度睇場，但佢哋係第一個嚟follow up嘅，個sales Rita一路傾嘅時候俾我感覺都好nice好上心👍🏻。落訂咗之後開始安排婚宴嘅時候，佢哋都會俾啲建議或者提供啲額外免費嘅service。因為我唔係book大場嘅，咁就唔包麻雀房，但因為嗰日麻雀房無人用，咁佢哋都願意free間麻雀房俾我，之後又俾多個車位我。雖然呢啲係好細微嘅嘢啦，但我無request過佢哋都會主動俾我，我都覺得好好，唔係一定要人俾錢先可以有呢啲service。喺big day嗰日我係喺嗰邊出門、晏晝喺露天證婚加埋夜晚晚宴。喺夜晚差唔多完場嘅時候，Rita原本應該收咗工嘅都換晒便服，但佢都有再出現返，嚟睇下有無嘢要follow up，都好nice好有責任心。跟我嘅waitress好細心，會跟得好貼，提點我行路嗰啲，我哋都覺得佢哋全部服務生都好nice，聽啲賓客講佢哋都覺得啲嘢食幾好食，真係超出我嘅expectation啦😆。有一樣嘢可以改善嘅，就係我哋最後要約finalize所有嘢，都係我去問返佢哋先。就係呢一次唔夠主動，之前咁多次佢哋都好快，係最後可能因為旺季佢哋會忙啲，先會follow得無咁貼。我覺得無咩idea嘅新人就最啱搵佢哋啦，因為我自己都係唔係好清楚自己想點嘅，咁佢哋都會俾啲建議我，我都覺得幾好。如果好care自己想要啲咩嘅新人，我就唔知佢地可唔可以fulfill到佢哋啦。
之前我家姐係九龍東皇冠假日酒店擺酒，所以對佢有印象，覺得佢地場地幾好，樓底夠高，同埋食物都唔錯。係婚展開始接洽去到之後都係由Annie serve我地，佢既服務好好。我同我老公都係「佛系」咁搞呢個婚宴，但係Annie俾咗好多意見我地，幫我地處理咗好多嘢👏🏼。我地好遲先決定某啲嘢嗰陣去都會搵埋其他同事盡力滿足我地要求。其他新人多數係結婚前一段時間已經搞掂結婚要準備既嘢，但係我地就big day前三個禮拜先開始搞，真係多得佢地幾位同事既配合令所有嘢都順利。我地好多時都無意見，佢地既同事都比咗好多建議同選擇比我地，又提議我地可以做啲咩，好專業👍🏻。Big day當日我好忙，酒店既同事都幫咗我地好多，我既屋企人同朋友都讚佢地做得好，我媽咪甚至要親自打電話多謝佢地🤩。食物水準都同之前一樣咁好，大家都話幾好味。我最想讚既都係Annie,有啲咩佢做到既都會盡量幫我地做，好有耐性又唔怕辛苦，就算自己做唔到都會搵其他同事幫我地。Overall黎講好滿意，所有親戚朋友都大讚。😎
