對天澄閣第一印象係佢哋好有耐性，介紹得好詳細😍。同事Kary好好，全程都係佢lead住我哋。我哋有好多嘢都唔熟，佢都解答到好多問題🥳。 就算未俾錢之前，天澄閣都已經有提過如果疫情方面仲有限制會點樣處理，都會根據我哋嘅要求同實際情況去俾唔同意見🤩。

天澄閣嘅場地係好華麗❤️，中間唔會有一條柱喺度，好符合我哋嘅期望😝。因為我哋婚禮前一日係落黑雨，Kary有主動打電話同我講而家酒店係咩情況，令到我冇咁擔心。當日嘅嘢食都係質素好好，啲蟹拑好新鮮❣️，甜品我哋揀咗紫米露。Kary 嗰日全日都跟着我，會提我唔同時間要做啲咩，敬茶嗰陣又會扶我跪低同起身，仲會幫我整理條裙， 安排親朋戚友點樣企，令到我好安心😚。 其他同事都好好，而且當日有長輩行動不便，唔係咁方便上到台，幾個同事就抬佢上去影相， 呢樣嘢真係令我覺得天澄閣好貼心😍。 佢哋可以滿足我想影大合照嘅要求，又唔會辛苦長輩同埋我哋。同埋婚禮嗰日好忙，佢哋嘅同事驚我肚餓，都有拎嘢食俾我🥳。 當日成個過程都好順利同好enjoy，我哋都覺得好好彩遇到天澄閣💞

天澄閣無論係地理位置、環境定係服務質素都符合預期，而我嘅婚宴喺呢度都進行得好舒服同順利💕。天澄閣嘅地理位置適合，又有shuttle bus，出入都方便啲啦😉！而且佢成個環境係樓底高，又有玻璃窗喺旁邊，感覺比較寬敞👍。佢成個空間嘅大細又符合我哋要擺嘅圍數。而家疫情，枱同枱之間又可以分得開啲，令成個感覺會舒服啲😚。天澄閣仲可以包埋backdrop design嗰啲嘅，我哋可以選擇佢提供嘅一啲設計😁。即使唔用佢嘅design，都可以有啲repay俾返我哋，令我哋覺得呢一個package都幾優惠😉。

我哋大約等咗一個星期就已經可以去睇場地。天澄閣嘅職員Terry都搞過唔少大大小小嘅婚宴😊，佢嘅經驗令佢嘅講解非常清晰💯，因為佢對場地認知、package內容或者有啲附帶嘅服務佢都可以俾意見，例如介紹一啲司儀、律師俾我哋。我同先生聽完都好了解，真係有賴佢嘅表達清晰 😍。即使我哋遇到一啲小問題，Terry都可以好有效率幫我哋解決😏。例如有次我哋上去舖頭要撳密碼，而我哋打俾店舖冇人接聽。WhatsApp俾Terry佢就即刻幫我哋解決到呢個問題💪🏻。

天澄閣嘅staff都好貼心❤️、服務周全💯。婚禮前一日，我哋有上去預先聽吓我哋婚禮要播嘅音效，其中有一段音樂聲音偏細，天澄閣啲音響同事就建議我哋去搵一個更加大聲嘅version，希望我哋播出嚟嘅效果出嚟會更加好😍。喺婚禮當日，天澄閣都安排咗一位職員跟我全日。婚禮嗰日我比較多衫要換，佢都會幫我擺好裙擺，又會幫我提住條裙，提醒我上落要小心🥰。而且當長輩行出行入，佢都會去扶佢哋，叮囑佢哋小心梯級，我奶奶都覺得佢做得好出色😚。

而食嘢嘅時候，每一圍都有一個Staff，可以做到及時補給熱水、斟茶。喺影相嘅時候，司儀同埋Staff都好幫得手💪🏻，成個婚禮都好順利🤩。就算到咗婚禮結束，佢哋都有幫我哋打包一啲食物，驚我哋會餓親，畢竟我哋喺婚禮期間比較少機會可以食到嘢👍。婚禮後，我哋嘅賓客都話佢哋啲嘢食幾好味，而且佢哋嘅賣相擺盤都好睇😍，每一圍嘅Staff都會幫手去夾嘢食俾我哋嘅賓客，唔使佢哋自己郁手。天澄閣無論係我哋婚禮前定係婚禮後都服務周到🥰。