我參加朋友婚禮嘅時候，發覺佢哋條video拍得好好，於是就叫佢介紹嗰攝錄師俾我。我見Dino拍得咁好就諗都無諗直接confirm佢，都記得Dino份人真係要用「和諧」嚟形容，同佢傾計覺得好舒服。我好有印象既就係 Dino 叫咗我哋預先準備一段說話講俾對方聽，因為希望可以拍到一啲深刻啲既片段. 就係呢段說話，搞到我夜晚一睇「早拍晚播」條片就喊，而我朋友睇到又喊。Dino 特登叫我同先生互相準備段說話係註冊嗰陣講俾對方聽，記得註冊嗰陣大家講既時候都已經喊緊，播返出嚟既時候真係好深刻，好touching，所以又喊。之後聽返我啲朋友講話覺得Dino拍到好似微電影咁，可以capture到好多細節，同埋啲唔靚嘅位都識得cut走，盡量有多啲靚嘅畫面，而我自己都係咁樣覺得，所以真係好多謝Dino同我拍呢條咁感動嘅片！

我純粹上網自己search見到，睇到佢哋之前影到果個bride覺得好好，跟住就搵佢傾。我無shop around睇其他嘅攝錄師，加上我朋友識得佢，所以都覺得唔需要搵其他人。見過一次傾package就覺得佢okay喇。 喺Big Day當日覺得Dino好細心，佢有啲位係會重覆做幾次，務求做到最靚先肯過去下個shot，絕對唔喺是但做完就算。最後條片整出嚟，我同屋企人都覺得好professional，好靚！有d位好有我同我先生嘅style，捕捉到好感動同elegant嗰啲moment，連啲音樂都配合得好好！另外，Dino同佢隊crew都好nice，我一定會 recommend 俾人知。不過想提既係我婚禮後都要成4個月先做好個隻30mins結婚片段CD，佢都有話ready可以攞而都知佢真係好忙，雖然我宜家都仲係想睇既，但係唔知點解，婚後過咗一排又好似無咩動力去囉，宜家都過咗5個月都未去攞，所以如果可以再早D準備完隻CD就更perfect喇。