香港逸東酒店位於九龍市中心，盡佔地理優勢，毗鄰三個地鐵站，交通極致便利。
紫、玉、梅三個以香港著名影星命名的宴會廳，內部以開放式設計為主，為新人提供經典又不失時尚風格的婚宴場地。婚宴場所配置全套先進的影音及燈光設備，如各類視聽器材及LCD投影機。
此外，香港逸東酒店還提供一對新人尊享多項Eaton HK禮遇如專業婚禮統籌套餐優惠券、婚姻監禮人服務優惠券等。婚宴期間，酒店會無限量供應汽水、橙汁及餐酒等等。而新人可以挑選逸東酒店所提供的酒席菜單，亦可自選配搭不同菜餚，所有佳餚均由旗下一星米芝蓮餐廳-逸東軒的廚師主理，務求在各方面為一對新人提供難忘的婚禮。
場地都ok，不過嗰一日就有少少亂。因為本來佢地話當日只係得我同另一家人擺酒，點知最後有3班唔同嘅人擺酒，所以情況就有啲混亂。新娘房就好細，三個人都企唔落。佢地送咗一間酒店房比我，不過都比想像中細，而且因為個新娘房好細而要上酒店房換衫就有啲麻煩。…
我哋結婚嗰陣，場地方面得Eaton有位比我哋，所以就喺佢地度擺咗18圍。
場地都ok，不過嗰一日就有少少亂。因為本來佢地話當日只係得我同另一家人擺酒，點知最後有3班唔同嘅人擺酒，所以情況就有啲混亂。新娘房就好細，三個人都企唔落。佢地送咗一間酒店房比我，不過都比想像中細，而且因為個新娘房好細而要上酒店房換衫就有啲麻煩。
我哋本身book嘅時候個Manager話會比間麻雀房我，但係後來就無比到我，無咗件事，安排上講同做出嚟有差別。不過除此之外，我覺得服務態度算ok，而且staff好好，例如當日跟我嘅阿wing，佢跟得好好，好貼心，成個流程都流暢。我哋其實無試過菜～但食物方面個個都話好食。
我覺得Eaton幾唔同，佢地style並非好elegant個種，而係好modern，所以我地都即日決定，落埋訂。我地問D咩，佢地都即刻答到。初頭我地見佢地無咩follow up，後尾先知個同事離咗職，但個交接都係好smooth，都有約開會。我老公同個sales阿Hayley臨時臨急夾咗個surprise俾我，咁都好好。雖然時間好趕，但Hayley係好配合到。
個場地好新，樓底都算高，位置有少少迫，場地最多係擺14圍，我地就擺咗12圍。食物方面都ok，有人食素，佢地都配合到，特別安排到，同埋朋友都話D素菜好精緻好味。 不過可能中間溝通上有D誤會，個seating plan最後男女主家席左右交換咗。事後先發現到，不過都not a big deal👌🏻
同埋好欣賞佢地D staff都好有活力，比較年輕，好幫得手，好切合到酒店個theme，有D Energy, 有D玩味咁樣。同埋都係funny D😜。同埋本身我地request咗想留D嘢食最後攞走，但我地都唔知係溝通上問題，定係我地攞漏，總之最後都係無。咁個manager都好好，即刻搵廚房幫我地整返，俾我地响after party度食，都係好識執生。
