仲記得係因為有次同老公行過The ONE，因為我求婚戒指係係另一個間公司買，而嗰陣知佢係有1set求婚同結婚戒指，咁本身就諗住揀嗰對嘅，但睇咗陣又覺得唔太好，所以就去咗斜對面嘅forever couple。一入到去佢哋鋪頭，就見到佢哋sell緊個人化，想客人自己設計，咁我哋嗰陣就覺得幾特別，因為佢戒指入面可以鐳射圖案，兩隻戒指拼埋一齊又可以整成一個圖案，可以因應自己嘅故事去設計，唔會好似其他珠寶行咁。我哋覺得呢個概念幾好，所以我哋就join佢哋個plan。其實我哋上咗去有成四五次，分別係定版、度size、傾設計等等，最貼心嘅係佢哋會喺真係整之前造個版比我哋試下，試完再比comment，同埋有個好得意嘅就係佢哋冬天同春天會各度一次size，所以加加埋埋都差唔多整咗半年。

同埋呢間公司有個好嘅位就係佢唔只幫一對couple做，咁佢有幾十個版喺度，就可以上手睇下唔同design啱唔啱自己可以抄下idea。我本身喺兩個設計上面有猶豫，個職員Moon就話不如我兩個版都造哂比你去試，真係好好！同埋阿Moon係一落單之後就即刻幫我哋開咗whatsapp group，之後覆得都算快嘅。所以最後出嚟嘅成品同我想像嘅係一模一樣，同埋佢話五年之後可以拎返去，有少少保養咁。我覺得呢個公司嘅idea可以將一對新人嘅故事放落去，所以幾適合如果大家好中意個人化嘅話，就可以揀呢間公司😊

揀佢哋嘅主要原因係可以響戒子上面刻一啲手指紋，或者刻一啲特別野落去，比較特別。連戒子款式都可以就個人喜好度身訂造，仲有一年保用。 設計師好耐心聽我哋講想要啲乜嘢，亦都將太太嘅求婚戒子併合對比，就算兩隻一齊戴都可以互相拍實唔會有空位。男嘅會就番女方既戒子而作類似設計，始終因為度身訂造，佢哋會度好多次手指，故此戴得舒服又好睇！ 不過佢哋嘅店舖位置比較遠，每次都要出到市區先有分店，而且如果揾左某一個設計師，個設計師駐邊間分店，我哋就要去番嗰個分店攞番，唔係太方便。