我鐘意佢哋嘅指紋系列，同埋好多野都可以自己揀，例如粒石嘅位置，所有野都係tailor-made。我本身睇中左，去婚展先join嘅。 佢哋銷售手法都okay，佢送左啲野比我，唔記得指紋定刻字本身要加錢，但其中一樣free左；另一樣就係每人送左粒石，本身女仔嗰隻兩圈石嘅，佢就另外每人係刻字嗰邊送左粒石。 我覺得佢好在可以一世保用，甩左粒石執唔翻都可以翻去比佢鑲翻。希望唔好再加價，加得好快宜家，因為我再介紹我friend去，都係我嗰款，compare翻真係加價得好快。

我揀佢係因為鍾意佢哋有得刻指紋同Tangent 90ﾟ好特別。佢哋有得整個名落去，但係個名叫Tangent 90ﾟ，佢整個名嘅位我同我老公都覺得好特別。而刻指紋方面，其實佢係拎一半，可能係拎手指嘅四分一咁，所以唔洗擔心俾人盜取指紋。老公都話好特別，本身我都係上網俾佢睇，佢當時好似都冇咩反應，但係去到門市就好似好神奇咁，佢都好鍾意。佢哋環境都好舒服，個戒指盒都好靚，係木嘅。 我係去佢The One嘅門市，負責跟我哋嘅叫郭生。佢都幾soft，唔算hard sell，介紹得幾清楚。 唯一比較唔好係我老公隻手指粗，所以要加錢。因為我老公係戴21號，佢話19號以上要加錢，要加幾千蚊。