其實我諗住結婚之前已經諗住要搵Forever couple做婚戒，因為佢哋可以刻指紋同埋好tailor made嘅嘢，laser可以刻入戒指內圈，幾精細嘅嘢都可以laser到落去，戒指款亦都可以tailor made，佢哋正正方方嘅設計我好鍾意。而且佢哋有一世保用，當然你跌咗粒石就梗係唔包啦，但係如果金屬磨損佢哋係成世都包。 由於我一早已經想揀佢哋，所以我哋去到婚展揀哂酒席，又想快手快腳搞埋戒指，就喺婚展搵埋Forever couple去傾。當時個設計師接待我哋，佢都好耐心聽我哋想要咩嘢，佢哋得知我隻求婚戒指係Tiffany嘅，知道個款係咁樣，就將隻結婚戒指設計到可以同求婚戒指拍埋一齊唔會有空位，男嘅戒指就設計返差唔多樣。 佢哋做出嚟隻戒指我真係相當之滿意，所有我哋要嘅嘢都有哂，因為佢哋唔係sample設計係tailor made，幫我哋度好多次手指粗幼度，睇下你手指啲肉貼唔貼呀，再睇下個設計應該係弧定曲定直嚟就返你隻手指，戴得舒服個樣又靚，真係好滿意。 不過佢哋位置可以方便啲會更好，因為你同邊一個設計師接洽，就要去返佢駐場嗰間分店搵佢，我住屯門，我哋喺婚展接觸嗰位設計師喺銅鑼灣，所以就要由屯門去銅鑼灣搵返佢。

我大學讀marketing時用過呢個brand做過case study, 嗰時就已經好鐘意呢間店，因為佢哋可以印指模喺戒指上面，真係好特別。所以就一直覺得好想要一對獨一無二嘅結婚戒指，即使以前讀書時已經想像第時要用呢個brand嘅結婚戒指。 到真係決定結婚之後，我哋就直接去咗舖頭度訂造。去到舖頭，啲店員真係好用心去介紹佢哋有咩特色product可以揀，我覺得真係詳細到有啲長氣，哈哈！最後，我哋聽完晒全部有咩choice可以整落隻戒指度之後，就無揀指紋，因為覺得宜家呢個世代會有security嘅問題，同埋我老公覺得唔太特別。於是我哋就決定寫2句好代表到我哋既statement落隻戒指度，咁我哋就一齊諗，最後就將我哋雨中相識既情境寫落去，真係我哋自己既故事一樣。 其實佢都算偏貴，因為出到去呢個價錢都應該可以買到白金嘅戒指。不過佢哋嘅服務都真係好好，對戒指攞到手個包裝都好滿意，完全係我心目中想要嘅戒指！