因為我同太太都係長笛愛好者🎼，所以我就想將長笛嘅元素加入我哋對結婚對戒到，想搵公司設計一對獨一無二嘅婚戒，但係我問咗幾間公司都話做唔到，冇得按自己嘅要求設計，最後只有FUTAGO先可以fulfill到我呢個要求，幫我度身訂製我想要嘅對戒🤗。

之後，我就帶咗啲長笛嘅相落鋪頭同佢哋見面傾，sales同事都好有耐性講解👍🏻，慢慢同我解釋流程同各方面嘅嘢，溝通嘅過程都好舒服。落咗訂之後，我同設計師Kimmy見面講咗自己嘅idea，佢聽完之後俾咗好多意見我，仲拎咗好多舖頭現有嘅款式設計俾我參考，又會了解下我嘅要求，仲會問下我同太太嘅愛情故事，幫我哋設計一對有故事性嘅戒指。然後，Kimmy就畫咗三幅設計圖俾我揀，仲好仔細咁同我解釋設計部驟係點。當中我完全睇得出FUTAGO係以客人為本，佢哋做嘢好仔細，完全唔會趕住走咁，反而會慢慢同我傾，傾到我滿意為止，服務態度真係好值得一讚💯。

而中途我想將戒指款轉返做傳統款式，佢哋都好爽快咁答應幫我改，冇收取額外收費😃。雖然當中發生咗一個小插曲，一開始佢哋話會出兩個唔同嘅樣板俾我睇，可惜第一次出板嗰陣做錯咗，但後來佢哋都幫我修正返，出返一個正確嘅，所以前後出咗三個板俾我。由於當時正值疫情期間，工序過程有少少阻滯，完成時間同預期有少少出入，但我都可以理解，所以都唔太介意。當我收到製成品嗰陣，第一眼見到嗰下我真係好surprise，實物效果同設計圖嘅一樣咁好，完全配合到得嘅要求，係我心目中想要嘅效果。我覺得長笛元素嘅細節位設計得好好，精緻得嚟低調又唔花巧，俾我感覺係花咗好多心思去整，所以我都好滿意🥂。當太太收到都覺得好感動，覺得呢一對獨一無二嘅婚戒好代表到我哋自己，係一對好有意義嘅結婚戒指。

我想買求婚戒指，朋友就推薦咗FUTAGO俾我，因為佢之前都係搵FUTAGO幫手訂，覺得體驗唔錯🤣，所以介紹俾我，亦都係有朋友用過，所以我對FUTAGO信心都大啲。之後我就聯絡FUTAGO，佢地嘅staff都俾到好多意見我，我又見啲戒指款式好特別，戒指選擇都好多樣性，唔會太傳統，就決定喺FUTAGO訂製求婚戒指💍。

之後我去到鋪頭，幫我介紹鑽石款式嘅係Jenny。佢好詳細咁講解鑽石嘅品質，又會教我點樣睇鑽石嘅切割，好似上咗一堂咁🤗。因為我本身對鑽石都冇乜概念，但經過佢細心嘅講解，令我更加認識鑽石💎，更加清楚自己應該點樣揀，所以粒石我好快就決定到😆。之後，另一位同事Kimmy負責同我講解鑽石配搭點樣設計。因為我想個戒指有故事性，所以share咗我同女朋友嘅愛情故事比Kimmy聽。佢聽完，知道我想要一個月亮design嘅求婚戒指🌙，佢即刻就畫咗幾個草稿俾我睇，之後我再加咗啲idea，Kimmy都可以好快畫到一個更仔細嘅設計圖，佢真係好幫得手，俾到好多專業意見🤩。由於Kimmy嘅幾個設計都唔錯，各有各特色，我覺得都好難取捨。過咗幾日之後，再去舖頭同Kimmy傾細節，一星期後就已經定好想要嘅設計，個款係簡單得嚟但又可以表達到我想向女朋友傳達嘅message🥳，亦滿足到我女朋友鍾意賞月呢一個特點，設計高貴得嚟又唔浮誇，係我想要嘅效果。而交貨時間都好快，同佢哋嘅預期一樣，又快又準時。

當我第一眼見到隻戒指就覺得好感動🤧，之前睇設計圖嘅時候已經好期待實物，出到嚟嘅實物效果完全同設計圖一樣，仲比設計圖更加閃、更真實🤩，亦都令我聯想到我之後求婚嘅時候嘅畫面。呢一隻求婚戒指有99%perfect，唯一1%爭少少就係我自己冇拿捏好女朋友嘅指環尺寸，鬆咗少少😜，不過FUTAGO都俾我哋拎返去改size，我覺得Futago無論係服務定產品質素都好好。