香港迪士尼樂園酒店
Hong Kong Disneyland Hotel
4.7
香港離島大嶼山香港迪士尼樂園度假區
3510 6868
關於香港迪士尼樂園酒店

踏進奇妙繽紛的國度,迎接人生最美麗的一天!迪士尼童話婚禮結合華麗的維多利亞式宴會廳、優雅翠綠的戶外婚宴場地、世界級娛樂表演、得奬廚師團隊精心製作中西佳餚、獨特的個人化配套及一站式貼心婚禮統籌服務,為新人締造銘記一生的甜蜜回憶。

迪士尼童話婚禮為新人一站式統籌華麗高貴的主題婚宴,典雅浪漫的戶外證婚,還有夢幻的攝影服務,每個細節都完美配合您倆的愛情童話。

開始籌劃專屬您倆的迪士尼童話婚禮,讓迪士尼的幸福星粉擦亮您倆的大日子!

中式婚宴
西式婚宴
證婚典禮
套餐詳情
Dinner Banquet Package 晚宴套餐
Lunch Banquet Package 午宴套餐
Ceremony Package 證婚套餐
最新評論
整體滿意度
4.7
過濾評語:
Natalie
4.5
精選評論
服務 / 婚宴日期: 2018.01.13      

因為迪士尼係我當初同老公相識之後去嘅第一個地方, 所以覺得去迪士尼擺酒會更有意義。佢哋同事整體greeting嘅感覺好friendly,而且sales好耐心解釋有啲咩service同有咩細節位要留意,幾helpful。婚宴當日同事態度都好好,同出面酒家相比,佢哋上菜唔會隨便掉低,同埋present得好好。



場地方面因為book唔到最大嘅ballroom, 所以就book咗sleeping beauty ballroom~擺咗16圍。場地間隔同decoration都好好,唯一小問題係reception area喺樓梯下面,唔係好做到guest control。我係reception訂咗好多迪士尼造型既甜品同snacks ,不過有啲其他唔係婚宴既客人會食咗放係reception既野食,就係我地之前同迪士尼訂既蛋糕同candy corner,所以最後搞到自己啲客人唔夠食。其實我哋本身order既份量應該係夠食,不過因為guest control既問題就變咗唔夠,仲要係過咗一段時間啲客人同自己講返先知有唔夠食既問題,呢方面比較失算。除此之外,基本上整個流程都順利,佢哋嘅食物都幾靚而且質素都幾好 ,會將食物分好一份份,擺碟都好presentable。



成個婚宴當中我覺得比較特別嘅係有迪士尼character 幫助帶動到整個氣氛,賓客都覺得開心 。我自己最開心就係當日邀請到Duffy同ShellieMay~~!! 本身wedding係無得揀呢兩個character,但係個sale都幫我地request到~真係好開心~!如果佢哋既Package可以包多啲野,例如喺promotion for anniversary dinner之類就更好喇~~

閱讀更多
酒店
Happily Ever After
4.5
精選評論
服務 / 婚宴日期: 2017.12.03      

其實起初我都無諗過一定要去迪士尼,不過因為12月3無乜期,好多clubhouse同洒店都搵唔到,後來就搵咗Disney。嗰時佢哋嘅同事Carmen同我講嗰日好旺,下午3點好難俾時間我,不過lur咗幾日之後,佢就好好有打返嚟話有場地,但個plan B就好差,會ballroom都無,得返餐廳嘅一個細area。嗰時我都仲心大心細,覺得佢地個草地好靚,但係又驚會落雨,最後我媽咪話應該唔會落雨,所以就決定照去!



Disney嗰度主要有三個可以證婚嘅area,因為有成200個客人,所以我就要咗最大嗰個場West Lawn,係一個最大嘅草地!我去睇咗場2次,簡直係愛上咗嗰個地方。我好鐘意嗰度有樹有森林,而且我哋嘅客人之中都有好多小朋友,佢地可以跑來跑去玩。 證婚當日最突發嘅係個我個wedding planner佢一上台個mic system就壞咗!嚇死佢~結果搶救咗15分鐘先搞掂返。另外可能場地太空曠,有啲客人都話我用咗咪都唔係太聽到我講咩。而且場地附近係無新娘房,佢俾咗一間附近嘅房我哋用戶,要行上行落就辛苦啲,唔係太方便。最好嘅話當然大啲就會好啲,唔使輪流換衫同化妝~



我最後都好滿意撐揀咗Disney呢個地方,空間夠,而且有戶外嘅花園,但我地就無要到啲Characters,因為我老公唔鐘意咁cartoon,所以就唔想要Minnie同Mickey。Music band我都搵咗出面嘅,其實好多嘢都係自己喺出面搵人去做,連Disney都覺得好奇怪。不過中間唔用佢地嘅brand都會有啲難度,佢地有好多guideline都幾rigid,例如我想要士多啤梨蛋糕,唔想要芒果蛋糕,都問過佢地點,但就唔可以轉,又唔可以準備自己嘅蛋糕。不過我又唔會話太介意個蛋糕,所以OK,我諗都要睇啲新人接唔接受呢啲限制。小朋友拋嘅唔可以用假花,一定要用鮮花,同埋唔係用佢哋嘅人,唔可以有任何Disney嘅歌或者公仔出現,要尊重返佢地嘅場地指引,我哋都覺得應該嘅,咪喺限制之下做我哋嘅其他改動。後期我哋傾咗好耐,最終佢哋都肯俾我哋請咗個魔術哥哥嚟表現魔術,可以entertain到成五十幾個小朋友。唯一requirement係要佢著西裝唔可以著小丑裝,襯返場地style,魔術哥哥又OK。好在嗰日有魔術哥哥同埋我哋整咗個popcorn機,好多小朋友都好開心!



整體嚟講迪士尼嘅服務都好好,同事都OK,特別Kelvin我有問題打去搵佢都有盡快覆返我。食物嘅choice同酒店比係唔夠多同埋無酒店咁flexible,但係客人feedback都話質素唔錯,服務聽講都好OK,成件事我都覺得good~雖然我哋只係下午證婚,但佢哋都俾我地自由喺酒店嘅area度影相,真係唔錯~只係我同我老公都太攰,最後只係影咗一陣。

閱讀更多
酒店
聯絡資料
3510 6868
disneyweddings@hongkongdisneyland.com
最新優惠
聯絡商戶