我哋去I-PRIMO買求婚同結婚戒指。一開始因為我男人睇到網上廣告，覺得幾靚😍。之後佢聽人講話呢間係唔錯嘅，佢嘅目標就係係中檔嘅價錢裡面搵間最靚嘅求婚戒指。因為佢怕我唔鍾意，怕估錯我心意，所以就帶埋我一齊去揀一齊去睇😝。

我去睇左I-PRIMO之後，其實都有再去到婚展睇埋其他牌子，但係發覺一戴上手都會即刻知道唔夠I-PRIMO靚。主要係我覺得係日本個design真係令到女仔隻手指修長啲同瘦啲。我鍾意啲比較優雅嘅，日本戒指嘅design就會好有心機，唔會係就咁一粒鑽石咁🥰。

佢哋啲款式都算多，而且明碼實價嘅，啲員工都解釋得非常清楚。佢d哋嘅service正正係第二樣嘢令我決定一定要係I-PRIMO度買，因為serve我嗰位同事個態度非常之好，而且有聆聽到我哋兩個嘅需求。見到求婚戒指有好多款，我同我男人就有少少意見不合，但係個同事Katrina就好好，佢喺個關口位度同我哋調和啦，同我哋講「其實先生揀嗰隻款就經典啲，人哋睇就會知道係求婚戒指。但係小姐你揀呢隻款呢其實都好靚架，就會新穎啲，啲人就覺得係Fashion嘅戒指，就唔會覺得係求婚戒指啦。」咁我即刻明白點解我男人要揀佢嗰隻款啦，同埋我自己都會想人哋一睇就知道係求婚戒指，而唔係我自己得閒買俾自己嗰啲，解決我同我男人之間嘅矛盾竟然係Katrina幫手，所以就覺得佢比嘅suggestion好好😙。

因為我哋本身係基督徒，所以我好想我哋個結婚對戒嗰度係有個十字架，佢都有攞左幾款比我睇，而且冇話強求我哋一定要係佢哋嗰度買，相反係有個好似好friendly嘅suggestion，而唔係齋sell，令我覺得呢件事好warm😇我出到去再睇市面上，發現有十字架嘅design真係唔多，而且最靚嘅款真係喺I-PRIMO，所以最尾都係返左去買。不過如果可以多啲十字架款就好啦。

我呢半年黎都有keep住咁去，每一次去嘅時候佢都會比到一啲好好嘅suggestions我哋，例如「啊唔係喎嚟緊都新年啦喎。有啲人都會想戴埋去農曆新年度，比啲親戚望下」，問我哋會唔會有咁嘅考慮啊，會比到好多呢啲咁樣嘅好warm好friendly嘅suggestions🥰。

一路試好多唔同戒指，譬如揀對戒嘅時候，要平衡女仔同男仔之間嘅果種感覺，即係男仔唔好戴太乸，女仔唔好戴太粗獷，啲意見佢都比得好足，所以佢真係非常之好，佢係好到我會推介比就嚟要結婚或者求婚嘅朋友同去I-PRIMO搵Katrina買🥳。因為I-PRIMO係日本嘅design同手工，所以呢個價錢都係值得嘅😝。可能想佢哋出多啲其他款式，而唔係只限於星座設計嘅就更加好喇🙈。

我一直都好鍾意日本嘅婚戒公司，之前已經留意咗I-Primo好耐，所以一結婚無考慮其他公司，就直接去I-Primo揀，我隻對戒同埋求婚戒都喺嗰度買，價錢都合理。佢地男女都有好多款，簡約或特別風格，咩都有，所以我推介曬俾身邊準備結婚嘅朋友。同埋佢地嘅sales都好好，好細心地講解我嘅手指形狀適合咩戒指，有個員工仲留意到我隻婚戒有啲鬆，提醒我要改。佢地真係太好啦，我會繼續介紹俾身邊朋友。