我哋其實都有比較過幾個唔同品牌，最後就揀咗 I-Primo，主要係因為佢哋款式選擇多，價錢又唔算誇張，整體質素都覺得幾好😍。去I-Primo門市睇戒指嗰陣，同事俾我嘅感覺係幾有耐性，我哋睇得耐都唔會催我哋，亦冇迫我哋即刻做決定。我哋試咗好多款，同事都好願意慢慢咁講解每一款戒指嘅設計同特色，仲會問下我哋鍾意邊類風格，再幫手揀類似嘅款式💖。售後服務方面，例如係戒指唔啱 size 點處理，同事都有提到我哋可以免費換一次新嘅戒指size，同埋之後我哋去唔同分店都可以做返清洗保養，I-Primo仲會再三提醒返啲安排😚。我幾欣賞同事唔會 hard sell，成個過程都幾舒服，同埋I-Primo呢邊就真係根據我哋嘅喜好去推薦，呢方面我覺得幾貼心😗。我覺得I-Primo嘅戒指款普遍偏幼身，如果對於手型偏長嘅人嚟講，有時會覺得戒指上手之後可能細咗啲🥹，如果可以多啲粗嘅款，應該會更加全面啲！同埋門市唔可以影相，如果我哋想做返record就會有啲麻煩🥹。

我一開始見到I-Primo嘅戒指設計幾靚，所以對佢哋都有啲興趣😚。我主要都係睇設計，I-Primo 簡約嘅風格正正係我鍾意嘅嘢，啲款無咁容易過時🥳。我去到I-Primo睇戒指嗰陣，同事俾我嘅印象都幾好，好有耐性，又有禮貌，唔會有hard sell我哋😍。同事真係根據我選擇嘅款式，再推介啲相關款式俾我，令我覺得成個過程都好輕鬆，唔會好似一般嘅推銷咁有壓力。起初我揀咗對有櫻花鑽嘅對戒，但係帶咗上手後發覺唔係咁啱我，所以又睇過一啲 V 型皇冠設計嘅款式，但都唔係好啱心水。最後我發現自己都幾鍾意男士款嘅設計🌟。同事都好細心，唔單止介紹女性戒指，仲會介紹啲男士款俾我，佢哋都話女士都可以揀男士款，只係 size 問題，呢啲細心嘅服務令我覺得佢哋真係好有心。當時去睇戒指，我覺得 I-Primo 嘅款式其實幾多，雖然我冇睇曬所有款式，但選擇都唔少， 唔會覺得選擇有限。揀戒指嘅過程都幾順利，半個鐘內就搞掂咗，成個過程唔算長，我自己都好快就揀中啲自己鍾意嘅款式💖。至於售後服務，I-Primo有提到可以免費改 size 三次，呢啲都係一個唔錯嘅保障，令我唔需要擔心如果戒指唔啱呢個問題，整體服務都幾細心。同事都好有耐性，好專業咁聽我嘅意見，幫我揀咗啱嘅戒指！ 同埋佢哋唔會因為我哋嘅穿着而去判斷我哋會唔會買嘢，或者個服務態度有所改變👍！