之前去日本旅行嘅時候已經見到I-PRIMO呢個品牌覺得佢哋設計真係好靚好簡約。咁當我哋結婚嘅時候去婚展都見到I-PRIMO，不過真係俾啲攝影師威逼到我邊間都唔想同唔敢坐低，太大壓力😫，氣氛太催逼，所以橫掂我自己都住喺元朗，就不如去門市度揀款算啦。

第一次入去嘅時候因為男朋友要返工好忙唔得閒，所以我就一家人，媽咪、爸爸、家姐同我自己一齊入去試款。點解我特登要講晒我屋企咁多人呢？因為服務員Janet真係非常之有耐性超級Nice，唔會我一家大細入去左試右事試俾面色我睇，反而仲好殷勤去照顧我哋😊。

入到去嘅時候， Janet會帶我哋去一間房到試款，呢間房真係超級私隱度高，比較返我去Cartier都係喺大堂個櫥窗度試，佢哋會俾我一個咁私密嘅空間去慢慢揀真係超舒服。咁當日就係我同我家姐揀，媽咪就自己走揀自己啲飾物，而我爸爸🥸就自己坐埋一邊😝，成個過程都搞坐一兩個鐘。其實佢哋都知道我唔會即刻買，都唔會Push我要做決定，仲好Nice咁解答我哋所有問題，所以真係要再一次讚Janet服務咁好。

之後我就同我男朋友返去試款，我自己心目中揀咗嗰隻佢就只係覺得OK，但係Janet都會再介紹其他款式務求令到我同埋我男朋友都一樣咁鍾意，而最後Janet介紹咗一款日本設計，法國製造嘅戒指俾我哋睇，呢一款叫LUNA嘅款式就我同我男朋友都非常之鍾意喇。我哋好鍾意佢係令面加磨砂兩層嘅設計，好特別！而呢一隻亦都係我男朋友最鍾意嘅斯文款，好襯佢。我哋兩個都話Luna 呢個名真係好好聽，我哋都plan 緊以後如果生個女嘅話，都會叫佢做Luna。🥰

因為我自己係十年前左右就結婚買過I-Primo嘅求婚戒指，當時I-Primo進駐香港無耐，當時就有比較其他嘅品牌，而今次我哋周年紀念覺得I-Primo嘅戒指都幾靚，設計都幾有心思，所以無特別比較其他品牌，就直接去番屯門嘅舖頭度㨂戒指。💍

我覺得I-Primo嘅同事都好誠懇同好Informative😃，因為佢哋同事會鞠曬躬，非常之有禮貌，同香港本地服務相比係幾唔同。 負責跟講解我嘅同事，佢哋對產品非常之了解，每一對戒指都可以同我介紹番佢背後嘅設計故事。🥰

我覺I-Primo同事誠懇態度真係好緊要，佢哋唔會只想你買貴嘅產品，會因應番你嘅Budget推介相應嘅產品，唔會只推銷某一兩隻嘅款式，反而係我哋有興趣嘅產品都會好仔細咁講解，會逐個產品俾我哋去試，佢會講番戒指嘅設計同背景俾我哋聽，整個過程都頗符合自己嘅要求。 🤓我同老婆都覺得唔錯，最終就㨂咗對簡約混合嘅金款式對戒，一隻鑲住代表北斗七星嘅鑽石，另一隻就有北極他星嘅設計，兩隻形成互補嘅形狀。💖

訂制戒指嘅期間，因為疫情令航班有改動，令到我哋嘅戒指都有延誤，但係I-Primo嘅同事都會定時Update番俾我哋，當拎完戒指，都會有一個網上問卷了解番我哋情況。😌