我第一次去到 I-Primo 門市嗰陣，整體感覺都幾舒服🥳。同事俾人嘅感覺幾專業，態度唔會太進取，亦都冇催促我，真係俾到空間我慢慢睇、慢慢諗。當我猶豫緊揀邊款戒指嘅時候，同事會清楚解釋每一款嘅分別，講得好仔細，令我可以根據自己嘅喜好再做選擇🌟。I-Primo提供嘅款式數量，我覺得啱啱好，唔算太多，但我都搵到心水款。同事都會鼓勵我試下上手，睇下實際戴上去嘅感覺，唔會淨係叫我睇圖，呢方面我覺得做得好貼心🤩。I-Primo同事都會問下我鍾意邊種風格，但唔會死纏爛打咁 sell，係真心尊重客人嘅選擇😚。售後服務方面，同事都有主動講解，例如戒指 size 唔啱可以改，或者之後有咩問題可以點處理，都講得好清楚。由我第一次自己同朋友去揀求婚戒指，到之後同未婚妻一齊去揀結婚戒指，感覺 都好好！☺️

我哋一開始都有考慮其他公司，之後因為我哋比另外一間公司呃咗，最後就喺 I-PRIMO到買戒指🥹。我哋當時去到 I-PRIMO，第一個印象係同事好細心，唔單止有耐性，仲會詳細解釋每隻戒指嘅設計同材質，感覺到佢哋係真心想幫你搵到適合自己風格嘅款式😗。我自己都係一啲會十五十六嘅人，所以都想試曬唔同款式嘅戒指，但同事完全冇唔耐煩，反而好樂意俾建議，仲會講解唔同戒指適合咩手型，戴上去有啲咩要注意。因為之前嘅經歷，我哋對俾錢都特別小心，當時都有問清楚付款安排，例如係咪一定要俾全款。I-PRIMO 其實有提供「借戒指七日」嘅服務，不過就要俾全款；但如果唔需要借，就只需俾部分金額。相比之前嗰間店舖，呢個安排穩陣得多，令我哋安心好多🥹。同事亦都好理解我哋嘅顧慮，冇特別催促或者hard sell，反而俾我哋自己選擇，感覺舒服好多，所以都信得過 I-PRIMO😍。

款式方面，I-PRIMO 嘅設計相對簡約，雖然款式唔算太多，但勝在每款都有自己嘅特色💕。我本身鍾意啲簡約風嘅戒指，覺得呢啲款比較長青，唔會過幾年就覺得過時或者太浮誇。 I-PRIMO同事好細心，唔單止有禮貌，仲會主動重複解釋，確保我哋真係明白所有嘢，呢點我覺得幾好👍。另一樣令我覺得加分嘅地方係，佢哋仲會提醒我：「你會唔會想連求婚戒指一齊配搭？」或者「呢款會唔會襯啲？」呢啲問題令我有更加多角度去考慮☺️。我覺得佢哋嘅款式選擇可以再多啲變化，雖然我明白 I-PRIMO嘅設計風格係專注於簡約高雅，但相對其他品牌，選擇真係比較少。如果可以定期出下新款，甚至利用佢哋獨有嘅材質去整更多款式，應該會更加吸引💖。