我其實喺婚展嗰陣都有留意過其他戒指品牌，但最終我哋揀咗 I-Primo，因為佢哋啲款式比較靚🌟，而且試上手嘅感覺比較啱我哋心水。 去到 I-Primo門市嗰陣，同事嘅態度好好，會主動拎唔同款式介紹俾我哋認識，仲會邀請我哋試戴戒指。成個過程唔會 hard sell，好自然、舒服，完全唔會有壓力。特別係我哋去九龍灣分店嗰次，我哋試到差唔多過咗營業時間，但佢哋都冇催我哋，仲主動俾我哋試其他款式，態度真係好有耐心🥹🥹。 另外， I-Primo同事亦都有講清楚售後保養等服務，包括洗戒指同其他保養方法，全部解釋得好清晰。最令我欣賞嘅係試戒指嘅時候，因為我哋都比較擔心戒指大小唔啱，同事會好耐心咁俾我哋反覆試戴，慢慢揀到最啱嘅尺寸，又唔會催促我哋落單，明白我哋都會緊張，感覺好貼心❤️。所以我對 I-Primo嘅服務好滿意，由認識、溝通、試戴到最後落單，成個過程都順利同舒服。佢哋嘅態度同耐性，令我哋覺得對 I-Primo好有信心🙏🏻。

I-Primo 佢哋有終身保養服務，就算將來過咗好多年，如果香港冇咗門市，去日本、台灣或者其他地方都可以繼續做清洗同保養。對我哋嚟講，呢一點都幾有保障， 所以對呢個品牌嘅印象都幾好😆。第一次去睇戒指嘅時候，整體感覺都幾舒服。同事嘅態度好 nice，而且唔會 hard sell 我哋。佢哋會主動介紹品牌理念，亦會邀請我哋試唔同款式，但成個過程都唔會令人有壓力。對我嚟講，揀婚戒本身就係一件要慢慢睇、慢慢試嘅事，如果同事太 chur，其實會幾影響心情，所以我都幾欣賞 I-Primo 呢種比較輕鬆嘅方式😋。

有一樣嘢令我印象幾深刻，就係試戒指嘅過程。因為我同另一半一開始其實冇乜概念，唔太清楚自己想要咩款式。當時個 sales 姐姐都好有耐性，攞咗好多唔同款俾我哋試🥰。試完之後，佢又會慢慢同我哋解釋每個設計嘅特點，甚至會講如果想改一改設計可以點樣調整。同事亦會留意到我哋大概鍾意嘅風格，再幫我哋推薦比較適合嘅款式，我覺得佢真係幾細心。 至於款式方面，我覺得 I-Primo 嘅戒指整體設計都幾精緻，而且戴上手嘅感覺都幾靚。因為有啲品牌雖然款式好多，但未必每一款戴上手都好睇；而 I- Primo 嘅戒指整體比例同設計感都幾舒服。對我嚟講，婚戒始終係會戴好耐嘅野，所以戴上手嘅感覺同舒適度其實都好重要🌟。 另外，佢哋喺量 size 同售後服務方面都講解得好清楚。例如之後如果要改 size、清洗保養或者其他服務，可以點樣處理，全部都講得好詳細，所以我哋對 I-Primo 都幾有信心。實際戴上手之後，我自己都覺得戒指好舒服，甚至有時會有種好似冇戴戒指咁嘅感覺，唔會覺得頂住隻手指或者好重，所以 I-Primo 嘅戒指設計上應該都有考慮人體工學。 不過喺款式方面可以再多啲變化。不過整體嚟講，我都覺得 I-Primo 而家已經做得幾好，我同另一半都幾滿意🥰。