我聽過唔少關於I-PRIMO嘅正面評價，身邊朋友都親身買過，話係有質素保證嘅。我都覺得佢哋婚戒嘅款式好啱女仔心水，都target咗係佢哋㗎啦。 舖頭環境好舒適，唔會迫迫夾夾嘅感覺。喺環境方面另一個比較出色嘅地方係佢哋嘅私隱度會頗高，其他珠寶公司嘅座位都係open area，揀嘅過程就相對冇咁舒服，會比隔離左右聽到你嘅一啲要求，有少少尷尬咁。

但係I-PRIMO私隱度就比較高，客人相隔得好遠，心理上會舒服啲。 當日好快有同事嚟招呼我，同事嘅裝扮都好得體，談吐好大方。我喺舖頭逗留左差唔多兩個鐘，務求睇得仔細啲嘛。一開始係想搵啲流線型嘅戒指，而顏色方面我個人偏向金色。知道咗我嘅要求之後，佢哋職員Janet再額外介紹其他戒指俾我。最後我反而係揀咗佢推介俾我嘅戒指添。嗰隻戒指有咩特別呢，相對一般嘅金色，佢係一種叫膚金色嘅顏色嚟嘅，好特別，比較適合我哋。戒指可以加鑽石，Janet都有好詳細咁同我哋講解戒指嘅quality，但係外行人用肉眼睇就唔係好分得清級數，只係覺得好靚。不過佢哋都有用鏡仔俾我逐粒逐粒鑽石睇吓，所有嘢都係好公開嘅。

Janet對產品有非常豐富嘅認識同了解，亦都好清楚知道客人嘅要求，再逐一進行介紹，會比好大嘅空間客人，佢嘅角色只係幫我哋平衡篩選每隻戒指嘅好處優劣，但係決定嘅都係我哋自己，所以揀出嚟嘅戒指係非常之啱心水。我真係好鍾意佢推介俾我哋嘅膚金色戒指，如果可以應用喺多啲款式就更加好啦。佢哋嘅售後服務包括維修、改戒指圈等等，一年內有免費。

我覺得以日本品牌來講佢哋嘅質素同精緻度都好唔錯，價錢方面亦都係令人接受嘅，而且款式非常特別唔怕會同人撞。所以想要服務好性價比高嘅珠寶公司，相信I-PRIMO就係你嘅選擇啦！

我覺得無論係戒指嘅款式定係服務嘅質素，I-PRIMO都俾咗一個好好嘅體驗我。喺款式方面我覺得佢嘅設計比較似係我女朋友鍾意嘅嘢有設計感得來唔會太過誇張，偏向好清雅嘅款式。 咁因為我當時都已經有target嘅某幾款，所以都係直接Walk in搵同事幫手，再加上我當時係lunch hour佢嘅時間比較趕。

一開始嘅同事係一個兼職嘅女仔嚟，佢知道咗我嘅要求之後，都有pass比另一個full-time嘅同事曾小姐。曾小姐會好詳細咁講我Target嘅款式有咩好處之餘，佢仲會攞相約款式嘅upgrade版本俾我睇，等我可以有更多選擇，選擇空間大左好多。 我第二次去嘅時候依然係曾小姐serve我啦，佢會好詳細咁同我解釋4C嘅嘢。我自己就比較重視色澤同埋淨度，而佢哋嘅鑽石都可以符合到我嘅要求嘅。最後就揀咗一隻有心形隔離有兩粒細鑽嘅戒指。戒指價錢同出邊唔會話差好遠，都係非常合理。

我覺得最令我印象深刻係曾小姐幫我佢估我女朋友嘅手指size係幾多。其實我之前同女朋友係買過戒指嘅，佢當時嘅size係11號啦，但係我就唔sure究竟I-PRIMO嘅11號係咪一樣大細。曾小姐教我嘅方法非常特別，我都真係幾印象深刻。之前戒指係對戒嚟嘅，咁所以我都有啦。曾小姐都有問我嘅size係幾多，咁我就答佢係19號，於是佢即場攞咗佢哋公司19號嘅戒指俾我試，睇吓我啱唔啱。再從而去推測究竟佢哋公司嘅11號戒指會唔會適合我女朋友，係從一個側面嘅角度去prove到成件事我覺得好神奇。

我自己本身對婚戒公司真係冇咩話特別嘅要求，作為消費者我覺得了解產品同埋消費者嘅需要係最重要嘅。咁當然仲有態度啦，如果款式好多好靚，但係態度差都係冇用㗎嘛。佢哋嘅同事不論係兼職定係全職嘅服務態度都係非常好，我問嘅問題都可以即場得到一個滿意嘅答覆嘅。咁不過佢哋如果可以再電子化少少就好啦。

佢哋其中服務係借戒指求婚，但係佢哋就要求我攞返實體單去，咁我有問過可唔可以我影張相show俾佢哋睇返張單就OK，或者係我講電話Number同埋單Number依兩樣，但係佢哋都話最好用返實體單。我覺得電子單就對客戶來講比較方便嘅，可以考慮以下。 除左借戒指，佢哋公司仲會好詳細咁同你講保養服務啦，例如size唔啱可以免費改一次，清洗當然係包嘅。整體而言，我覺得佢哋嘅服務係令到我非常之深刻、好細心，我都好放心將戒指交俾佢哋。👍🏼