當初好隨緣行街嘅時候經過見到I-PRIMO，比佢哋戒指嘅款式同埋環境吸引到，於是乎就Walk in入咗去。雖然我哋冇預約，但係佢哋嘅staff服務好親切，一入到去就會主動問我哋有咩需要。我見佢哋服務咁好，就坐低睇睇～

佢哋嘅戒指款式有好多，個人就比較鍾意佢哋清新簡約嘅款式，睇落去後生啲，唔會好似連鎖店嗰啲款咁老餅。 其實後來我哋已經揀定咗一個款，但係Kary都仲會繼續攞唔同嘅款式俾我哋睇，會好不厭其煩咁叫我哋不斷試多啲，感覺到佢係真係希望客人搵到最合適嘅戒指。我覺得佢哋嘅戒指性價比可能感覺上比出面低少少，但係考慮埋佢哋嘅款式、服務態度等等係絕對值得！當然身為顧客嘅話有折扣就更加好添喇：P

我覺得佢哋係一間好專業好體貼嘅公司，基本保養都會包，仲可以改一次size添。我記得我仲有問過佢哋如果戒指上嘅鑽石甩咗可以點樣處理，不過我就唔係好記得佢哋點答，整體嚟講我同另一半都對佢哋嘅產品同服務非常滿意。

我好早之前已經接觸過I-PRIMO佢哋，聽過唔少人稱讚佢哋服務體貼又細心。於是我冇考慮過其他公司，見佢各方面都唔錯，即刻選擇佢哋。😂

當去到舖頭嘅時候，感覺好整齊光猛，帶比我一種專業嘅感覺。佢哋嘅同事好主動好熱心，解釋非常詳盡。就算係我男朋友本身對婚戒、鑽戒一竅不通，聽完佢哋介紹之後都好似上咗一堂鑽石堂咁。😃 佢哋嘅職員Janet會教分等級，比唔同鑽石我男朋友逐粒逐粒對比，仲會提供埋鑽石專用鏡任我哋睇，相信都係對自己嘅product質素好有信心先夠膽咁做。

其實我哋本身都已經有target㗎喇，不過嗰隻戒指試完上手之後又覺得唔係咁啱心水，於是又再揀過。🤣 喺4C而言，我自己最重視嘅就係佢嘅閃爍度，戴得鑽戒都係希望可以閃閃令令嘅啫。💫我都冇講咩講過自己嘅要求，只係講咗個budget比Janet聽。於是佢就會由最黃到最白嘅鑽石逐款比我睇，俾我哋明白當中嘅差距。其實對顏色敏感度唔高嘅人來講可能唔係好睇得出個分別。不過都可以側面說明，佢哋公司嘅鑽石質素高，即使係標準來講係黃但都唔會觀感差。😉

售後服務會包一般保養、清潔甚至乎改尺寸都得嘅。佢哋嘅同事服務好到一個點，係我哋離開嘅時候甚至乎會90度鞠躬添，都真係好surprise。😳我自己對於婚戒公司嘅要求主要都係睇佢哋職員對產品嘅熟悉度同對客人嘅態度。因為有啲客人可能會想睇耐啲睇真啲先決定，有啲公司見到客人唔係即刻幫襯就會冷待、黑面，但係I-PRIMO絕對唔會有呢個情況，同事都唔會不斷去chur客人，水你買貴戒指，會視乎返你嘅buget同要求推介，所以我好滿意佢哋嘅服務表現同埋戒指嘅質素。