我覺得無論係戒指嘅款式定係服務嘅質素，I-PRIMO都俾咗一個好好嘅體驗我。喺款式方面我覺得佢嘅設計比較似係我女朋友鍾意嘅嘢有設計感得來唔會太過誇張，偏向好清雅嘅款式。 咁因為我當時都已經有target嘅某幾款，所以都係直接Walk in搵同事幫手，再加上我當時係lunch hour佢嘅時間比較趕。

一開始嘅同事係一個兼職嘅女仔嚟，佢知道咗我嘅要求之後，都有pass比另一個full-time嘅同事曾小姐。曾小姐會好詳細咁講我Target嘅款式有咩好處之餘，佢仲會攞相約款式嘅upgrade版本俾我睇，等我可以有更多選擇，選擇空間大左好多。 我第二次去嘅時候依然係曾小姐serve我啦，佢會好詳細咁同我解釋4C嘅嘢。我自己就比較重視色澤同埋淨度，而佢哋嘅鑽石都可以符合到我嘅要求嘅。最後就揀咗一隻有心形隔離有兩粒細鑽嘅戒指。戒指價錢同出邊唔會話差好遠，都係非常合理。

我覺得最令我印象深刻係曾小姐幫我佢估我女朋友嘅手指size係幾多。其實我之前同女朋友係買過戒指嘅，佢當時嘅size係11號啦，但係我就唔sure究竟I-PRIMO嘅11號係咪一樣大細。曾小姐教我嘅方法非常特別，我都真係幾印象深刻。之前戒指係對戒嚟嘅，咁所以我都有啦。曾小姐都有問我嘅size係幾多，咁我就答佢係19號，於是佢即場攞咗佢哋公司19號嘅戒指俾我試，睇吓我啱唔啱。再從而去推測究竟佢哋公司嘅11號戒指會唔會適合我女朋友，係從一個側面嘅角度去prove到成件事我覺得好神奇。

我自己本身對婚戒公司真係冇咩話特別嘅要求，作為消費者我覺得了解產品同埋消費者嘅需要係最重要嘅。咁當然仲有態度啦，如果款式好多好靚，但係態度差都係冇用㗎嘛。佢哋嘅同事不論係兼職定係全職嘅服務態度都係非常好，我問嘅問題都可以即場得到一個滿意嘅答覆嘅。咁不過佢哋如果可以再電子化少少就好啦。

佢哋其中服務係借戒指求婚，但係佢哋就要求我攞返實體單去，咁我有問過可唔可以我影張相show俾佢哋睇返張單就OK，或者係我講電話Number同埋單Number依兩樣，但係佢哋都話最好用返實體單。我覺得電子單就對客戶來講比較方便嘅，可以考慮以下。 除左借戒指，佢哋公司仲會好詳細咁同你講保養服務啦，例如size唔啱可以免費改一次，清洗當然係包嘅。整體而言，我覺得佢哋嘅服務係令到我非常之深刻、好細心，我都好放心將戒指交俾佢哋。👍🏼

當初好隨緣行街嘅時候經過見到I-PRIMO，比佢哋戒指嘅款式同埋環境吸引到，於是乎就Walk in入咗去。雖然我哋冇預約，但係佢哋嘅staff服務好親切，一入到去就會主動問我哋有咩需要。我見佢哋服務咁好，就坐低睇睇～

佢哋嘅戒指款式有好多，個人就比較鍾意佢哋清新簡約嘅款式，睇落去後生啲，唔會好似連鎖店嗰啲款咁老餅。 其實後來我哋已經揀定咗一個款，但係Kary都仲會繼續攞唔同嘅款式俾我哋睇，會好不厭其煩咁叫我哋不斷試多啲，感覺到佢係真係希望客人搵到最合適嘅戒指。我覺得佢哋嘅戒指性價比可能感覺上比出面低少少，但係考慮埋佢哋嘅款式、服務態度等等係絕對值得！當然身為顧客嘅話有折扣就更加好添喇：P

我覺得佢哋係一間好專業好體貼嘅公司，基本保養都會包，仲可以改一次size添。我記得我仲有問過佢哋如果戒指上嘅鑽石甩咗可以點樣處理，不過我就唔係好記得佢哋點答，整體嚟講我同另一半都對佢哋嘅產品同服務非常滿意。