我好早之前已經接觸過I-PRIMO佢哋，聽過唔少人稱讚佢哋服務體貼又細心。於是我冇考慮過其他公司，見佢各方面都唔錯，即刻選擇佢哋。😂

當去到舖頭嘅時候，感覺好整齊光猛，帶比我一種專業嘅感覺。佢哋嘅同事好主動好熱心，解釋非常詳盡。就算係我男朋友本身對婚戒、鑽戒一竅不通，聽完佢哋介紹之後都好似上咗一堂鑽石堂咁。😃 佢哋嘅職員Janet會教分等級，比唔同鑽石我男朋友逐粒逐粒對比，仲會提供埋鑽石專用鏡任我哋睇，相信都係對自己嘅product質素好有信心先夠膽咁做。

其實我哋本身都已經有target㗎喇，不過嗰隻戒指試完上手之後又覺得唔係咁啱心水，於是又再揀過。🤣 喺4C而言，我自己最重視嘅就係佢嘅閃爍度，戴得鑽戒都係希望可以閃閃令令嘅啫。💫我都冇講咩講過自己嘅要求，只係講咗個budget比Janet聽。於是佢就會由最黃到最白嘅鑽石逐款比我睇，俾我哋明白當中嘅差距。其實對顏色敏感度唔高嘅人來講可能唔係好睇得出個分別。不過都可以側面說明，佢哋公司嘅鑽石質素高，即使係標準來講係黃但都唔會觀感差。😉

售後服務會包一般保養、清潔甚至乎改尺寸都得嘅。佢哋嘅同事服務好到一個點，係我哋離開嘅時候甚至乎會90度鞠躬添，都真係好surprise。😳我自己對於婚戒公司嘅要求主要都係睇佢哋職員對產品嘅熟悉度同對客人嘅態度。因為有啲客人可能會想睇耐啲睇真啲先決定，有啲公司見到客人唔係即刻幫襯就會冷待、黑面，但係I-PRIMO絕對唔會有呢個情況，同事都唔會不斷去chur客人，水你買貴戒指，會視乎返你嘅buget同要求推介，所以我好滿意佢哋嘅服務表現同埋戒指嘅質素。

我去I-PRIMO V City嘅分店睇戒指，一入到去就覺得環境、擺設、光線各樣都唔錯，係熱咗啲。😂 佢哋嘅職員服務態度都好殷勤，好主動地詢問客人嘅需要，都好有禮貌嘅。我同另一半雖然係去I-PRIMO之前都有係佢網上睇過啲款式，但係始終都係好睇重戴上手嘅感覺係唔係啱心水，所以都冇話特別target過邊一個類型嘅戒指。都係多得佢哋職員係我冇咩idea嘅情況下比到意見我，例如會問我哋想唔想要石、戒指想要粗身定幼身等等。前前後後都試咗唔少對戒指，先揀到自己最鍾意、最合適嘅一對。🤭

我另一半嘅款式係金色外框，白金係入面；而我就係全白金，有少少石。 不過當時我都怕自己未諗清楚，都唔係話即刻就比訂金。I-PRIMO嘅職員唔會chur我即刻落單，唔會硬銷，更加唔會黑面。佢哋反而係jot低我哋睇中嘅款式嘅資料，比我哋考慮清楚先。冷靜期過後，我都係發現佢哋最啱心水就返去買咗。😍