如果係對鑽石零認識嘅新人，我覺得可以考慮下I-PRIMO。除咗話佢哋係日本牌子會帶比我信心之外，佢哋都有唔少嘅好評稱讚佢哋服務態度好。我自己親身去完之後都讚同網上嘅評價，佢哋職員嘅儀容態度好好，全程都係笑面迎人。😊

我一去到德福分店就有紙仔比我填，係for有冇咩要求。我之前做過資料搜集，咁就填返自己大約想要咩卡數、潔淨度等等。佢哋職員好快手就攞唔同款式嘅鑽石、戒指比我睇，然後就會幫我逐粒分析好同唔好。佢會講解好多專業知識，例如係挑選鑽石嘅準則、反光度，都會比客人望真啲粒石，等你對佢哋嘅product有信心啲。

開頭呢我就想買啲1卡嘅鑽石，但係個女仔就會從戒指戴上手係咪美觀嘅角度出發，同我分析可能1卡對於女仔手嘅比例來講唔係太好。佢都會用自己對手做個model，比我知道我女朋友戴上手之後嘅預期效果係點。可以見到佢哋唔會為咗做生意就不斷慫恿、hard sell你買貴嘢，係真正做到為客人設想。😌

雖然我都唔係好清楚女朋友手指應該適合咩size，但係佢哋鋪頭可以改size就算唔啱都有調整空間，唔會怕！加上個女仔都有講過香港嘅女仔大概係咩size比我攞返個參考數嘅。另外免費永久清洗當然唔會少啦！😝

但係原來佢哋除咗賣戒指之外仲提供埋借戒指嘅服務，專for一啲即興求婚嘅新人，如果戒指未攞到都可以借住來頂住先，係幾貼心嘅服務。最驚喜係佢哋竟然有得幫人準備埋求婚嘅decoration，不過依方面宣傳唔多，我都係去到舖頭先知。如果可以擺係網頁上面，相信都可以方便到唔少新人！😊

我同未婚妻一齊去I-PRIMO九龍灣分店揀結婚戒指。去實體店之前我哋已經留意過佢哋嘅款式同服務，係有一個幾好嘅first impression，只不過當初我未婚妻都係想考慮下先就冇即刻落訂。🤪 後來再去實體舖，佢哋舖頭嘅設計係U字型，3邊都各自有負責嘅同事，所以唔會出現比人冷落、冇人招呼，有問題冇人答到嘅情況。

Serve我嘅女同事好好禮貌、好斯文，會比好多戒指、鑽石嘅資訊我哋，例如話比我知內環可以鑲石、刻名等等。👍🏼 我之前睇中嘅款式都係偏向簡約風，唔會好多石都唔會有複雜嘅線條，顏色有2個選擇：一係就純銀、一係就銀同玫瑰金嘅混合。同事都會同我分析各自利弊，又比我哋戴上手試效果。後來覺得前者好似普通咗啲，雙色係低調中帶有特別，有啲睇頭。😉

其實成個過程都好快手，不過唔知係咪因為我哋臨完嘅時候比較趕時間，趕住去睇戲，就覺得好似出單時間耐咗少少。整體來講，我個人覺得I-PRIMO比傳統金器店嘅優勝之處就係多年輕同事，大家都啱嘴型啲，知道時下couple傾向鍾意咩款式！🤩