我一向覺得日本人嘅手工相當細緻，對日本品牌自然就有信心好多。而知道左I-PRIMO係日本公司，都會安心啲。

我去過門市德福果度兩次，第一次係收工過去，因為當時啲員工serve緊其他人，所以我都係兜個圈就走咗。雖然有得預約，但係同我時間唔係好夾，所以我第二次都係walk in，咁間店都大嘅，但人手就好似唔多咁，不過好彩今次都有一個staff係得閑可以比我問下。

咁我自己就比較睇重卡數，睇佢大唔大粒。本身都睇中咗一隻，但係冇現貨，訂就要4個禮拜。但係求婚日期又就到，我等唔到，於是就退而求其次揀咗一隻卡數、色澤、切割都唔錯嘅戒指。其實咁急揀戒指主要都係最近好多變數，同我原先嘅安排撞咗，唔急都變急，所以希望盡快settle曬。不過唔知個staff係唔係新人，好似唔係好識主動了解我想要咩款，我問嘅問題佢又唔係好識答。咁其實上得去揀戒指，好多時候都係男人，男人一般都唔係好細心同埋無咩概念唔知點揀。我覺得staff可以同佢哋傾下計，了解下客人嘅需要。始終比舊錢出來，都想知道得清楚啲。不過又公道講句，佢哋staff都唔會chur我嘅，我要咩就比咩，唔會hard sell，都係按我嘅要求辦事。所以I-PRIMO整體質素、服務都係幾好嘅～

我男朋友本身就唔鍾意大牌子、連鎖嘅戒指㗎啦，佢話覺得好俗氣。😆咁見到I-PRIMO係日本公司，一開始對佢印象都幾深刻，覺得有信心保證。😚

我同男朋友係諗住求婚、結婚戒指都係同一隻。我哋5月去婚展嘅時候已經有去過I-PRIMO睇款，只係我唔知道原來佢6月就求婚。🙈我嗰隻戒指係幼身，唔係純粹打橫嘅款式，而係向下斜好似絲帶咁。💍至於戒指盒方面都係行簡約路線，唔會話真係好fancy，但都係得體嘅。😙 咁男朋友求婚前就買咗對戒，只不過訂造需時，求婚又已經係就黎嘅事。於是I-PRIMO就好好咁提供咗借戒指依個service比佢，肯借返同一個款嘅戒指比佢頂住先。🤩我覺得真係一個加分位，冇咩公司會肯比你借隻戒指出去5日。😉咁因為婚展嘅時候已經寫低咗我試戴戒指嘅number同size，當初男朋友買戒指嘅時候就好順利。 一去到門市就感覺到好舒服、乾淨，唔會好多人好迫。婚展serve我嘅嗰個姐姐Janet係德福分店做，咁我哋之後去德福嘅時候都有見返佢。婚展嘅時候佢已經比咗好多意見我，例如就係分析我手型適合咩款式，又會同我好似玩淘汰賽咁，比唔同戒指我，幾隻幾隻比較，比較下嘅粗幼大細嘅分別。🤔佢比到我一種好舒服嘅感覺，完全唔pushy，仲好professional咁介紹戒指嘅材質、特色，係真係有豐富知識。😎最professional嘅位就係我糾結緊要大定細嘅size好。大就怕佢容易跌，細就怕除唔到，搞到隻手腫曬。🥲Janet會教我斜斜地攞起手指，等戒指同手指中間嘅空位多啲先拉出來。😳佢淨係教我除戒指都教咗半個鐘，佢會同我講如果size唔啱可以免費改一次嘅，同埋佢都好鼓勵我買fit啲嘅size，始終靚啲。我試咗半個鐘，開頭練習會紅，佢會叫我休息下，慢慢來。仲會話我知依個情況好常見，feel到佢好有耐性。❤️佢都會分享經驗，話有肯客人真係試過除唔到要剪咗佢，佢唔會淨係講好嘢，一啲注意事項都會同你講。😁今次係I-PRIMO嘅購物體驗真係好好。