我份人好睇feel，都係見到感覺啱就會去馬。當初注意到I-PRIMO嘅對戒覺得唔錯，於是好快就去左佢哋九龍灣德福分店walk in。第一眼望落去好乾淨企理，當日人流唔係好多，所以好快就有一個男同事來serve我同未婚妻。

做資料搜集嘅時候我哋已經大約有咗啲心水嘅target㗎啦。咁果位男同事就再額外問下我哋有冇咩形狀、粗幼、對石嘅要求，然後再按要求幫我搵一啲相似嘅款式，佢哋都好nice，唔會hard sell。款式方面，我同未婚妻都係唔想要太花巧嘅戒指，簡單就是美嘛～因為我哋唔想要太多石，所以就算之前睇過4C同埋同事有講解，但係都冇列入考慮嘅list入面。咁我覺得果度同事做慣做熟所以都大約估到我哋嘅size，只要再試多1-2次就已經fit曬， 成個流程都好順暢，所以我哋即日就買咗。只係有個小建議，希望佢哋公司可以參考下：我當初係佢哋官網睇款嘅時候就好希望可以有個filter比我揀戒指條件，甚至乎佢哋可以寫埋嗰隻戒指係邊間分店有貨，咁就可以令篩選流程再快多一倍以上。因為我自問睇資料都算充足，最後都係店鋪逗留咗個幾鐘先決定好要咩，如果可以有filter相信會更加方便新人。不過整體而言，佢哋嘅服務、戒指質素都係above averge嘅。

我一向覺得日本人嘅手工相當細緻，對日本品牌自然就有信心好多。而知道左I-PRIMO係日本公司，都會安心啲。

我去過門市德福果度兩次，第一次係收工過去，因為當時啲員工serve緊其他人，所以我都係兜個圈就走咗。雖然有得預約，但係同我時間唔係好夾，所以我第二次都係walk in，咁間店都大嘅，但人手就好似唔多咁，不過好彩今次都有一個staff係得閑可以比我問下。

咁我自己就比較睇重卡數，睇佢大唔大粒。本身都睇中咗一隻，但係冇現貨，訂就要4個禮拜。但係求婚日期又就到，我等唔到，於是就退而求其次揀咗一隻卡數、色澤、切割都唔錯嘅戒指。其實咁急揀戒指主要都係最近好多變數，同我原先嘅安排撞咗，唔急都變急，所以希望盡快settle曬。不過唔知個staff係唔係新人，好似唔係好識主動了解我想要咩款，我問嘅問題佢又唔係好識答。咁其實上得去揀戒指，好多時候都係男人，男人一般都唔係好細心同埋無咩概念唔知點揀。我覺得staff可以同佢哋傾下計，了解下客人嘅需要。始終比舊錢出來，都想知道得清楚啲。不過又公道講句，佢哋staff都唔會chur我嘅，我要咩就比咩，唔會hard sell，都係按我嘅要求辦事。所以I-PRIMO整體質素、服務都係幾好嘅～