我哋兩個一路都好鍾意日本嗰啲設計概念，係鍾意佢哋日本嗰種簡約風格，唔會好浮誇好跨張咁。。。 而我留意到 I-PRIMO嘅款式都偏向簡單，低調啲，同埋覺得呢啲款式揀咗都唔會咁容易同人撞款。

其實我哋行入去都真係好隨心，根本都無 plan 話要買，咁啱心血來潮經過店面覺得都真係幾靚，平時有留意但一都一直唔敢入去，點都好啦，嗰日就真係覺得不如入去睇睇啦，但係入到去真係覺得佢哋服務都真係好好，一啲壓迫感都無，絕對唔會令我哋好大壓力要我哋一定要買，感覺好舒服。

Sales 嗰位同事好有耐性，因爲都真係好靚，我哋不期然試咗好多款式, 而佢完全都唔會介意, 非常之 patience 咁 serve 同介紹產品俾我哋知。 我哋當日睇中咗一個系列，佢都唔會話要我哋即刻俾錢，反而再俾多幾款類似嘅款式俾比我哋選擇, 真係 make sure 我哋真係揀啱先俾我哋落實去買！呢一點真係好難得，唔會好似其他公司咁係咁逼我哋落單， 服務態度真係好好！呢部份真係覺得佢哋好貼心😉 最後, 我哋除咗買戒指之外 , 都真係忍唔住仲額外買多咗條頸鍊。整個service 過程感覺都好舒服，同嗰位 sales 溝通都好開心! 😉

一路係網上都睇到好多資料，覺得佢哋嘅款式都係偏向我鍾意嘅簡潔同乾淨俐落款式，而對比過其他婚戒公司，都係覺得I-Primo佢哋嘅戒指靚啲、都係覺得啲款式適合我多啲。我同老公都有諗過揾嗰D網上珠寶店，但係又怕上網訂戒指啲Size唔準，點都覺得實體鋪好啲，但係又覺得周乜乜周物物牌子嗰啲D款太大路，而之前有朋友係呢啲公司買過嘢，都話都話唔係咁好，所以兜兜轉轉都係去揾返 I-Primo，加上佢哋網上都好多人讚，應該都okay啩，所以的起心肝去佢哋門市睇。

其實我同我老公都係嗰啲唔敢入鋪頭嗰啲人，好怕嗰啲店員會出嚟拉我哋入去，而我哋嗰時去荃灣嗰間分店，都係門口兜幾次，見一路都無人出嚟拉我哋我哋先放心啲敢行入去。入到去覺得個環境好整齊，唔會有壓迫感，因為始終無其他公司咁有啲sales係門口係咁望住你跟住妳，感覺確實係舒服啲。入到去 iPrimo 啲 staff都好快同我哋打招呼，都好友善，都會同你講可以「慢慢睇」、「隨便睇」，feel到佢地態度好好。到我哋問買戒指流程嘅時候，佢哋講解都會面帶笑容，而且好清晰。我哋話想睇啲款時都會先問我哋心目中鍾意隻戒指係點樣嘅，會聽下我地有咩諗法，最 impress 到我嘅係嗰 sales 居然留意到我同未婚夫本身都唔係好戴首飾嗰啲人（咁細心我真係好suprise），而都會因爲咁推介啲啱我哋嘅款式比我哋而唔會硬sell 我哋一啲款。

好記得佢哋嘅staff話如果第一次戴戒指就唔好選擇太誇張款式，因為會戴唔慣。我選擇嘅戒指係排鑽款式，個系列好似係ALCESTE（個名應該係咁寫）開頭都想睇多幾款，但之後都覺得係依個款式適合自己多啲！ 我未婚夫平時完全唔會戴飾物嘅，所以開頭有少少唔慣。佢哋嘅staff就幫未婚夫試戴嘅時候講解返戒指本身嘅意義其實有代表承諾之類嘅說話，營造一個好溫馨嘅感覺出來，等佢知道原來戴飾物都唔係真係咁唔慣，比咗幾款佢揀之後，佢自己都開始有preference，揀咗偏向簡單嘅款式。成個過程真係好輕鬆，所以都好多謝I-primo帶咗一個咁開心嘅experience比我地，令到我地覺得好warm!