一路係網上都睇到好多資料，覺得佢哋嘅款式都係偏向我鍾意嘅簡潔同乾淨俐落款式，而對比過其他婚戒公司，都係覺得I-Primo佢哋嘅戒指靚啲、都係覺得啲款式適合我多啲。我同老公都有諗過揾嗰D網上珠寶店，但係又怕上網訂戒指啲Size唔準，點都覺得實體鋪好啲，但係又覺得周乜乜周物物牌子嗰啲D款太大路，而之前有朋友係呢啲公司買過嘢，都話都話唔係咁好，所以兜兜轉轉都係去揾返 I-Primo，加上佢哋網上都好多人讚，應該都okay啩，所以的起心肝去佢哋門市睇。

其實我同我老公都係嗰啲唔敢入鋪頭嗰啲人，好怕嗰啲店員會出嚟拉我哋入去，而我哋嗰時去荃灣嗰間分店，都係門口兜幾次，見一路都無人出嚟拉我哋我哋先放心啲敢行入去。入到去覺得個環境好整齊，唔會有壓迫感，因為始終無其他公司咁有啲sales係門口係咁望住你跟住妳，感覺確實係舒服啲。入到去 iPrimo 啲 staff都好快同我哋打招呼，都好友善，都會同你講可以「慢慢睇」、「隨便睇」，feel到佢地態度好好。到我哋問買戒指流程嘅時候，佢哋講解都會面帶笑容，而且好清晰。我哋話想睇啲款時都會先問我哋心目中鍾意隻戒指係點樣嘅，會聽下我地有咩諗法，最 impress 到我嘅係嗰 sales 居然留意到我同未婚夫本身都唔係好戴首飾嗰啲人（咁細心我真係好suprise），而都會因爲咁推介啲啱我哋嘅款式比我哋而唔會硬sell 我哋一啲款。

好記得佢哋嘅staff話如果第一次戴戒指就唔好選擇太誇張款式，因為會戴唔慣。我選擇嘅戒指係排鑽款式，個系列好似係ALCESTE（個名應該係咁寫）開頭都想睇多幾款，但之後都覺得係依個款式適合自己多啲！ 我未婚夫平時完全唔會戴飾物嘅，所以開頭有少少唔慣。佢哋嘅staff就幫未婚夫試戴嘅時候講解返戒指本身嘅意義其實有代表承諾之類嘅說話，營造一個好溫馨嘅感覺出來，等佢知道原來戴飾物都唔係真係咁唔慣，比咗幾款佢揀之後，佢自己都開始有preference，揀咗偏向簡單嘅款式。成個過程真係好輕鬆，所以都好多謝I-primo帶咗一個咁開心嘅experience比我地，令到我地覺得好warm!

其實我都有睇過唔同嘅婚戒公司作比教, 我覺得I-PRIMO對比我之前睇過嘅婚戒公司，無論係網上嘅圖片、抑或店舖內的款式比較齊全，價錢都好透明。🤔我最主要都想係網上睇咗相先，因為一早就知道大約想要啲咩款，所以就好集中淨係睇某一款，然後再同另一半商量、討論，都會一齊考慮係唔係呢間買。🙈但係我地最初睇嘅款同最後決定買嘅款係唔一樣！😂

之後去到實體店都見到好多款已經擺曬出黎，睇實物對比睇圖片更加令到新人知道自己適合乜嘢，可以自己比對。😊    I-PRIMO嘅職員全部都好樂於幫新人挑選合適嘅戒指款，佢哋嘅耐心同專業意見的確幫助我地思考同選擇，購買嘅時候都會特別提及戒指材質嘅資訊，等我地有多啲款式以外嘅訊息。👍🏼係店舖成個過程都係愉快同感覺專業、詳細嘅，我認為都冇咩需要改善㗎啦！🤩