我地揀I-Primo最主要都係因為佢地係日本公司，同埋佢地本身信譽同埋聽聞個品質都係好好。因為我之前隻求婚戒指都係揀iprimo，覺得佢地啲款幾好，所以今次個Wedding ring都係番黎呢度買。佢地service非常之好呀！好似係日本嘅店舖買野嘅感覺 😝 首先感覺佢地係好有經驗，serve我嘅sales叫Katrina, 佢知道我係希望到時兩隻戒指一齊戴嘅，係會完全按照我求婚戒指嘅款式，去幫我搵一啲完全配合到嘅款。同埋佢真係有聽我要求，例如我自己想要幼身啲等等喇，佢都搵到比我，而且係我三心兩意嘅時候，佢完全無push我，無話希望快啲做成單生意咁樣，亦都無話希望做大啲生意就叫我買貴啲嘅款😌反而佢覺得平啲嗰款仲襯我多啲，完全唔會感覺佢係為左跑數而去sell我。最後我地前後差唔多兩個鐘先離開間舖頭，但係感覺佢都係好用心，會用兩個鐘去做一單唔大既生意。 的確佢地符合到我想要嘅款式唔係好多，但係我知道自己隻手係好細同埋好幼，所以我知道就算係坊間都唔多，係好難搵到嘅。我覺得喺I-primo搵到已經算好 😉 有個小小practical嘅問題就係如果佢地洗戒指或者調教戒指個時間再長啲就更好喇，而家好似係三年內。我之前都有試過係佢地到洗戒指，好快手，遞俾佢地，洗完就即刻俾返我。講真造工我就唔係好識睇嘅，但係我就好相信佢地店舖嘅信譽👍🏻佢地個環境都係好舒服，無壓力，整體都係好滿意！😌

我男朋友求婚時喺呢間買戒指，款式好特別、精緻，有品質保證 👍🏻 我特別鍾意日本牌子，所以決定揀返日本牌子嘅結婚戒指，造工比較精細。揀戒指嘅過程好舒服、輕鬆，有咩問題佢都會解答我，畀我哋試唔同嘅款式，同喺咁多款式入面推介番啱我哋手形嘅戒指。 揀戒指揀左個幾鐘，佢哋有幫我清洗當時戴緊嘅戒指，又有介紹其他合作婚禮商戶嘅promotion畀我哋，畀左啲茶我哋試下等等，交流下心得、建議。購物嘅過程整體輕鬆愉快，無hard sell 😌