我之前有朋友喺I-PRIMO度買咗戒指，佢覺得呢度比較多簡潔款同埋特別D，加上自己都睇過其他牌子，覺得其他嗰D比較傳統D，無咩特別，所以就去咗I-PRIMO度睇睇。

第一次去就純粹打個圈，第二次先真係決定喺佢地度買，有坐低同佢地傾。我鍾意圓身同埋幼身D嘅款，佢地都幾多款係幼身，所以都幾啱我。除此之外仲有好多其他款睇，有扭紋、有圓形、同埋刻字嘅字型都有得選擇，款式上係多過出面嗰D好多。不過如果佢地可以成排戒指咁樣攞上嚟俾我地睇就會更加好，唔使逐對逐對咁睇。

除咗款式，我都好鍾意佢地嘅服務，真係比到我一種日本服務嘅感覺，好有禮貌、好客氣又好真誠。我自己本身都好鍾意日本，同埋覺得日本D服務真係唔同D，佢地都真係做到呢種感覺出嚟，真係好細心。我第一次去真係打個圈就走，但走嗰吓佢地都無覺得我運吉，亦都無黑面，都係好客氣，呢個都係好大原因驅使我第二次真係去買！因為就算我睇啱款，但係如果第一次佢係黑住面，我都未必會揀佢地～

同埋佢地都真係好專業，我自己好少戴戒指，我男朋友就更加少，佢真係會教我地點樣戴，同埋分析返圓形D款就會長青D。我自己睇中咗一對，就口多問吓佢對戒指會唔會有D咩故事。我問咗呢條咁難嘅問題，估唔到佢即刻去睇返，然後講解返個設計idea係點樣俾我聽，真係睇得出佢好熱心！整體我地都好滿意！！

我地12月中去行婚展，嗰時經行過I-PRIMO都覺得佢地嘅門面好靚、好吸引。不過嗰陣就無特別話想睇戒指，所以就行過咗，但都有攞到catalogue返去睇。佢地啲款式幾靚，同埋我本身都好鍾意日本嘢，佢又係日本公司。我男朋友睇完catalogue都覺得佢地啲戒指造得好靚，唔似香港D公司咁，好一成不變。

到12月尾，我地就去咗荃新天地間舖度睇，我地都好滿意佢地嘅service。我地去到，就由一位叫Katrina嘅staff serve我地，佢好熱心，show好多款俾我地睇。因為我地唔太了解，佢就好細心咁介紹，講解D設計概念同特色俾我地聽。我開頭見到有一隻唔錯，但係試上手又覺得唔係好啱，Katrina好好，會即刻揀返類似款俾我再睇睇。成個過程都係好開心，大家傾下講下，又唔會有壓力話一定要買。嗰一日其實我地最後都無真係決定要買，但係佢地都serve我地到成10點半！佢地本身係收10點，我地當時係無買到仲阻咗佢地收工～

之後我同男朋友返去再傾，我男朋友好鍾意佢地嘅service，我又好鍾意個設計，同埋我地唔係諗住買一set對戒，而係揀各自各款式，戴埋又襯嘅款，I-PRIMO都可以做到，所以第二日我地就再去過。今次再去，我地除咗結婚戒指仲揀埋求婚戒指，佢又會教埋我地點樣揀鑽石，D grading係點。我地都係嗰度傾成3-4個鐘，又係阻住佢地收工，但係我地都覺得啲時間好似過得好快咁！感覺係好輕鬆，好開心！