我覺得外面其他鋪頭個啲款好多都好似比較粗獷，反而I-Primo就精緻啲。佢哋啲款比較特別，無咁普通同埋優雅啲。舖頭環境好舒服，好寧靜同埋靚。

服務態度都好好，sale會拎好多款比我哋慢慢揀，我哋問咩佢哋都會答，而且會認真睇下我哋鍾意咩款，跟住就住啲款幫我哋揀，唔會特登話比啲貴嘅我哋睇。佢哋啲戒指真係太多款喇哈哈，我哋嗰日去都揀咗好耐！雖然本身上去之前我哋喺官網都睇咗啲心水款，但去到因為太多款喇，所以最後都揀咗另外一款～

我隻手比較幼，所以隻戒指好細，但戒指上刻名啲字都刻得好清楚，造工幾精細！售後服務都好好，話之後改size都唔洗擔心，唔洗加錢，又可以幫我哋洗戒指。

我覺得如果佢哋開多啲分店就好喇，平時行街都唔多覺眼，分店又唔密，嗰時我都係上網先見到，所以如果佢哋開多啲分店就好！

當時去I-primo前我哋都去過周大福同謝瑞麟，不過覺得啲款真係麻麻地。後來我哋就去咗I-primo嘅荃灣店，好記得serve我哋嘅同事叫Snow。佢真係好表現到日式服務嘅質素，務真係無論你要試幾多款都好，佢都會俾你試，而且全程依然笑容滿面，呢個真係值得一讚～服務真係非常之好！我哋其實前後去咗2次，第一次都無買，係第二次先買。我哋第一次離開嗰時，我好肯定用咗佢哋好多時間，但係我哋無即刻買佢哋都完全無黑面，呢一方面真係抵讚。 我覺I-primo可以俾你試晒你想試嘅款式呢樣真係好好，而且好重要！呢樣嘢我覺得都值得其他準新人留意，真係要盡量試多啲款，要試上手，唔好只係睇廣告款，因為唔識係唔知自己邊款比較啱。例如當初我以為自己戴啲圓型Round shape款係會穩陣同大路啲，應該唔會衰啦～點知戴咗落去之後先發現原來會覺得隻手指短啲，感覺啲手指無咁修長......波浪款感覺又唔係咁襯自己手指型......尖頭又未必個個都carry到...有時戒指款真係唔試多啲唔知道上到自己隻手感覺係點。另外，仲記得真係要搵埋未婚夫一齊試，咁先試到邊款係大家都啱又夾到一對。 我哋離開I-primo後都有再試吓其他牌子，不過最後都係覺得I-primo最啱，所以就返去買，服務真係一流。我覺得I-primo啲款真係Trendy啲，雖然真係貴啲，但係值嘅～！