之前上網見到佢話日日戴都唔會變色，因為係日本第一啊嘛，佢哋廣告宣傳又做得好，見到佢fb都好多人like，而且我又咁啱有coupon，所以我就揀呢間！ 佢哋好多款，我哋試咗個幾兩個鐘啊！我哋去到話想揀d簡單d既款，但個服務員話既然我哋黎到就盡量試多d，於是就拎咗好多比我地試，睇下我地手型襯邊款戒指。佢哋服務態度好好，一黎到就問我哋飲唔飲野，食唔食糖，跟著又會介紹每隻戒指既特色，物料啊，講得好清楚，佢仲會係我地走個陣90度鞠躬，真係好似日本服務員咁！因為我哋話唔想咁複雜既設計，佢就介紹咗一隻一直以黎都排得好top既款比我哋，款式簡單得黎又戴得舒服。 同埋，佢哋話我哋隨時行過門市都可以放低保養，幫我哋清洗戒指，因為佢哋認得出隻戒指係佢地嘅，所以連保養書都唔洗！佢哋戒指可以刻字，但字數就有限制，如果可以刻多少少就好喇！

未婚夫其實好鍾意日本牌子嘅婚戒，所以其實佢一早都諗住買呢個牌子。我哋有去婚展，都有睇過吓iPrimo揀過，之後再去旺角雅蘭中心門市度睇。佢婚展有優惠，但係咁啱我朋友有張85折卡，比婚展價更加抵，所以我哋去門市慢慢揀。 佢哋服務態度都好好，好親切。因為我哋試咗好多對，佢哋都冇表現得唔耐煩。我哋都係揀款式，鍾意啲簡單啲幼身啲嘅款。其實佢哋嘅款都好靚，佢有啲已經match咗對戒suggest俾你，佢又可以俾你自己配對，可以自己mix & match。