之前喺FB見到I-Primo嘅廣告，見到佢哋啲款簡單得嚟都好靚，之後慢慢再睇佢哋嘅唔同嘅設計，後來research過都知道佢哋口碑都唔錯就上咗去尖沙咀The One分店度睇睇。 其實之前都聽過佢哋喺要預約，但係咁啱我哋經過嗰日walk in又有店員得閒serve我哋，就入咗去睇吓啲款先，所以當時都唔係未諗住買。Serve我哋嗰位店員叫Chloe，我真係好鐘意佢，因為佢服務態度真係好好。我哋每試一款戒指佢都會同我哋好詳盡咁介紹返設計背後嘅歷史係點演化到今嘅款式，唔同嘅系列名同設計有咩意思。不過我主要都係睇返個款同埋載得舒服主為，都唔係太記得啲系列名。然後我哋夾夾埋埋試咗十幾款唔同嘅戒指，佢都仲係好有耐性咁向我哋介紹，完全無不耐煩，態度依然好好。另外，佢都有向我哋介紹返當時有咩優惠，但同時佢係好主動咁叫我哋出去再睇多啲唔同款式先，唔使急住買，真係睇多啲覺得自己鐘意邊一款先買。佢同我講︰「唔使一定要即刻喺我哋度買架，去睇多啲真係搵到自己鐘意嘅先喇，唔好一陣做錯決定呀！」我對佢呢一番說話真係好有印象，真係唔係只為生意，係真心想我哋買到啱自己嘅戒指。 最後，我哋再去其他店睇過之後，都係再返去搵Chloe幫我哋落單。對戒指包裝得好靚，係貫徹日本牌子嘅精美包裝，唔錯！

當日我經過婚展我就去探番My Dream Wedding啲sales，跟住佢一聽到我想買結婚戒指就即刻簽咗張 iPrimo嘅coupon俾我，成張單係可以平成三千蚊。 於是，我就拎咗張coupon去iPrimo。去到啲sales都好nice好好嘅，不過為免有影響，我喺買之前冇俾張coupon佢地睇照睇照揀。我覺得佢地款都算多，不過就唔係好啱我，我始終唔係太鐘意啲好複雜嘅款，鐘意啲簡單啲嘅款。後來，佢地都攞咗幾款簡單D嘅款俾我睇，我都揀咗幾隻，而最後我將選擇權交番俾我老公喇。 我老公揀完之後都揀到嘅，我嗰隻就有少少有石，就會貴少少，整體嚟講啲同事都好nice好幫手好有禮貌嘅! 到後來俾錢我攞個coupon出嚟佢地都唔會話有咩問題，就即刻減三千喇，原本張單成萬九蚊都可以萬六蚊落到樓。