其實一路都搵戒指但係太多牌子都唔知邊個好，I-PRIMO 係睇過資料但係一路都太忙唔得閒搞，點知有日咁啱經過門市見到櫥窗啲款又真係幾靚就入咗去喇。佢地啲 Sales 都好有禮貌，態度好 nice，都會先瞭解吓我啲要求想要邊D類型既款，都會問吓我哋 preference。

I-PRIMO真係好多款，Sales 一路介紹而我哋都試咗好多款，又教我哋點睇鑽石，所以最後都㨂到款，整體服務唔錯。👍

第一次接觸I-PRIMO嘅時候已經有一個好好嘅印象，佢哋Staff全部都好專業，每一個都笑面迎人。後來喺網上睇過唔少正面評價，所以對佢哋都幾大信心。 當知道佢哋喺屯門開咗分店於是就入去睇吓，由於我冇預約所以都係去到自己睇一陣先啦。我地坐低咗之後都已經好老實同Vicky講我哋真係咩概念都冇。

於是佢即刻recommend一啲款式俾我哋，我哋兩個嘅手比較細，佢就會依照手型作出一個篩選。後來我未婚妻話想要閃得來又低調嘅設計，於是佢就搵咗一隻戒指係可以轉來轉去嘅款式，即係做嘢嘅時候可以將排鑽轉入去手指嘅內側；如果想show出嚟嘅時候呢就可以轉返去正面。我哋個人認為款式比鑽石係更加重要，而覺得佢哋嘅款式都比較有設計感。 唔知係咪因為佢哋係日本公司呢，所以我覺得佢哋嘅款式比較細緻，做工都唔錯，亦都係我哋選擇嘅條件之一。

佢哋公司環境都幾舒服，有別於傳統金鋪唔會有壓迫嘅感覺。傳統金鋪可能係因為有埋其他金器、首飾，所以就會有一種比較密麻麻嘅感覺。但係佢哋專賣戒指，所有display都會擺得好整齊好有舒適感。 不過我覺得佢哋Walk in嘅服務可以改善下，雖然話都幾快有同事過嚟招呼我。但因為walk in所以要睇吓當時有冇consultant可以幫手，對我來講，如果我當日唔係真係好得閒可能就會即刻走。而我自己又唔係一個鍾意上網處理好多手續嘅人，所以都希望如果Walk in嘅程序可以簡單少少就好啦。

售後服務依然都好滿意嘅，如果尺寸唔啱都可以免費改免費換，清洗依啲都係基本啦。我覺得係適合年輕人購買，職員好清楚知道客人需要咩，傳統金鋪可能serve開成熟嘅客人，成熟客人要求可能比較高啲或者對自己想要咩比較清楚，所以往往後生嘅入到傳統金鋪而唔知自己想要咩嘅時候，職員都未必幫到手，但係I-PRIMO就可以好好咁迎合客人嘅需要。最令我印象深刻嘅係職員送到我哋去門口鞠躬離開，真係好有日本公司嘅感覺，係其他標榜自己係日本公司嘅都未必做到。