因為我自己係十年前左右就結婚買過I-Primo嘅求婚戒指，當時I-Primo進駐香港無耐，當時就有比較其他嘅品牌，而今次我哋周年紀念覺得I-Primo嘅戒指都幾靚，設計都幾有心思，所以無特別比較其他品牌，就直接去番屯門嘅舖頭度㨂戒指。💍

我覺得I-Primo嘅同事都好誠懇同好Informative😃，因為佢哋同事會鞠曬躬，非常之有禮貌，同香港本地服務相比係幾唔同。 負責跟講解我嘅同事，佢哋對產品非常之了解，每一對戒指都可以同我介紹番佢背後嘅設計故事。🥰

我覺I-Primo同事誠懇態度真係好緊要，佢哋唔會只想你買貴嘅產品，會因應番你嘅Budget推介相應嘅產品，唔會只推銷某一兩隻嘅款式，反而係我哋有興趣嘅產品都會好仔細咁講解，會逐個產品俾我哋去試，佢會講番戒指嘅設計同背景俾我哋聽，整個過程都頗符合自己嘅要求。 🤓我同老婆都覺得唔錯，最終就㨂咗對簡約混合嘅金款式對戒，一隻鑲住代表北斗七星嘅鑽石，另一隻就有北極他星嘅設計，兩隻形成互補嘅形狀。💖

訂制戒指嘅期間，因為疫情令航班有改動，令到我哋嘅戒指都有延誤，但係I-Primo嘅同事都會定時Update番俾我哋，當拎完戒指，都會有一個網上問卷了解番我哋情況。😌

我一開頭喺網上功課嘅時候見到佢哋公司，款式好簡約，比較啱我嘅心水。我亦都喺唔同嘅社交平台當中見到有人讚I-PRIMO售後服務唔錯，基於以上嘅原因我就決定去佢哋屯門分店walk in睇睇啦。😉

一入到去已經比我一種好舒服嘅感覺，裝修都非常新淨、光線好充足。一開頭佢哋職員會俾我哋兜個圈先，然之後再招呼我哋。佢哋耐性咁詢問我想要啲咩款，再逐隻逐隻同我解釋特點，又會分析下我嘅手型適合邊一類型嘅戒指。我哋嘅對戒女仔係有鑽石嘅，職員佢會為我解釋鑽石4C嘅資訊。聽完之後真係有唔錯嘅了解。😚

的確佢哋售後服務好似網上面嘅評價咁好，每一個Step都會好盡責咁通知返客人。當中我比較欣賞佢哋嘅地方就係本身我戒指套係未到，佢都有好細心咁問我會唔會想等埋戒指套先一次過攞戒指。😬

佢哋都會同我講戒指清洗可以去返門市。由訂戒指到攞貨大概三個禮拜左右，因為我唔急用，所以我覺得時間上還可。😌佢哋嘅服務質素已經好唔錯，只要繼續維持落去已經好好啦。👍🏼