AWARDS
恭喜 I-PRIMO 榮獲 2020、2021及2022 Bespoke Bridal Award 至尊榮譽大獎！
I-PRIMO是日本規模最大的婚戒專門品牌。成立於1999年，至今除日本外，於香港、中國內地及台灣均設有專門店。 I-PRIMO獨有的「自由選配訂製服務」，顧客可自由組合喜愛的戒台和祼鑽，加上諮詢師的專業意見，挑選符合兩位新人的理想組合後，由日本的專業工匠為二人精心訂製出專屬二人的婚戒。
150款的戒款中，包含神話及星座故事的幸福寓意，祝福著互許終身的愛侶們，永遠幸福甜蜜。 秉持日本文化精神，I-PRIMO作為專門售賣婚戒的品牌，以「至高夢想、無上幸福」為理念，將喜悅的瞬間化作永恆的記憶，以最真誠專業的心為新人帶來舒適又美觀的婚戒，與顧客們一同見證他們最幸福和甜蜜的時刻。
我係喺銅鑼灣分店度買戒…
一眼望落I-PRIMO啲款式就已經有一種好親切、好平實嘅感覺，咁入去佢哋網站都會清楚列明款式、鑽石、價錢等等嘅資訊，所以即使喺未親身去舖頭之前，我都已經有一個概念喺腦海入邊，research 既時候都覺得 i-PRIMO 相對其他品牌更為公開，因為要知道既都係網站見到晒，所以對佢哋都好有信心。
我係喺銅鑼灣分店度買戒指嘅，服務我嘅職員叫Iris。Iris好樂意分享意見，佢唔會因為價錢亂咁 sell 我，反而係留意或者詢問客人想要啲咩款。有一個初步概念之後再介紹唔同嘅款式俾我哋。我已經有心水，而Iris佢喺推介適合嘅款式之餘，會將我自己心水嗰隻一直都放喺隔離，方便我比對，就會知呢款定係B款啱我多啲。最後我另一半嘅款式係偏歐洲feel，而我自己就係揀咗日系嘅。🤗
佢哋嘅款式設計可以話係包羅萬有，平實、華麗嘅都應有盡有。 由於我啲手指相對亞洲男士來講比較幼細，一般男士嘅size對我來講可能鬆咗啲，所以Iris都會參考返女士嘅尺寸，務做到最貼近我手指嘅尺寸。唔知係咪因為佢哋係日本公司呢，除咗注重儀容、態度之外，佢哋連啲小動作、微表情都流露到佢哋一絲不茍嘅態度。不過可能係日本公司，佢哋嘅銷售手法比較內斂，少搞promotion，我覺得佢哋可以同香港嘅明星或者藝人合作，捉緊呢個潮流，等多啲人認識佢哋。
佢哋承諾一個月會比到戒指我就真係好準時，我好欣賞準時交貨嘅公司。我覺得係一個好了不起嘅承諾，如果俾咗個日期但攞唔到戒指嘅話，其實個日期set嚟係冇意義嘅。加上佢哋係婚戒公司，婚姻同承諾係一脈相連，一間重視承諾嘅婚姐公司會比到客人一個好好嘅觀感，俾我知道佢哋係願意commit，就好似婚姻一樣都係著重承諾。☺️
I-PRIMO真係好多款，Sales 一路介紹…
其實一路都搵戒指但係太多牌子都唔知邊個好，I-PRIMO 係睇過資料但係一路都太忙唔得閒搞，點知有日咁啱經過門市見到櫥窗啲款又真係幾靚就入咗去喇。佢地啲 Sales 都好有禮貌，態度好 nice，都會先瞭解吓我啲要求想要邊D類型既款，都會問吓我哋 preference。
I-PRIMO真係好多款，Sales 一路介紹而我哋都試咗好多款，又教我哋點睇鑽石，所以最後都㨂到款，整體服務唔錯。👍