當初決定洲際係因為佢哋個場出名靚，樓底好高同埋夠grand，而且採光度都好夠。不過因為我哋要擺成21圍，要用大Ｄ嗰邊嘅ballroom先夠，就無得望海，因為係細嗰邊先有海景。佢場地好夠大，同時Ｄprojector都夠多，所以個個賓客都睇到。Ｄ食物overall有水準，聽翻大家嘅comment對乳豬、帶子、鱈魚同個飯都大讚！另外d服務態度好專業，serve我嗰個Carrie，由我落訂起就PIC都尾；好有交帶，合作得好好，當日又安排咗人扶我上落。成個婚宴體驗比較surprise我嘅係佢哋俾咗2間新娘房我哋！而且2間都係又大又新淨，可以坐好多姊妹！

揀洲際係因為之前有朋友係個度擺過酒，我見佢地網上評語又好好，加上我自己好中意佢地個雲石樓梯，而且佢地ballroom無柱，同埋野食我之前食過都覺得幾好食，所以就決定係佢地個度擺酒。覺得佢地服務態度好好，所有野都跟得好足，由我地未Big day開始都跟得好好，好細心。食物質素方面聽返賓客講返都幾好食，之前我地試菜比咗唔同意見佢地都有改進。