因為之前有朋友喺度租過，所以都搵喺呢度租咗一條，其他就係第二間租Package。呢間係高級D，有D設計師品牌嘅衫。去到試衫，佢地D staff都好細心同helpful，同埋去到最後final fit嗰陣，佢地返咗條同款新裙，都好主動咁offer出嚟俾我地再試，最後都要咗條新嘅～u3000佢D衫都真係唔同，係靚D，同埋著出嚟係好雍容華貴，好高貴，所以都係值嘅！

之前見到Kir Royal好鍾意sponsor TVB，嗰時見佢地啲衫都覺得好吸引，所以就join咗佢地package。開頭佢地服務都好好，但sell完之後就即時變得好差，好似唔會特別點樣serve你，連傾多一句都唔會咁。

其實我第一次睇婚紗就係呢間，亦都可能因為當時係第一次睇，所以就覺得好靚，但之後再上去就唔覺得佢D款冇咩特別同埋都比較舊D，而且好殘⋯⋯明顯好多人著過，會黑黑地灰灰地咁，D鈕又甩甩地⋯⋯ 後尾我再upgrade，佢地就話有個西班牙好出名嘅牌子可以睇吓，我都係嗰時先揀到衫。特別唔滿意嘅係我明明約好哂final fit之後去拎衫，點知去到佢話未整，仲要喺度拖，拖到夜晚先俾到我。我會覺得佢地信用真係唔好。