我其實只係擺係4-6圍，其他酒店比只係俾到無窗既conference room我。而香格里拉可以俾到個房係落地玻璃望住海，地方好鬆動，仲有地方打麻雀，價錢都合理，最重要我Daddy好鍾意，所以就決定喺度擺。 我覺得幾surprise個度啲staff會幫咁多嘢，例如佢地會約我上去俾好多option我揀，雖然我得六圍，但佢都包好多嘢。本身我直情連background music都唔想搞，但佢地都幫我prep曬。佢仲要有個staff follow我event，雖然晚宴時佢放咗工唔在場，但佢一早已經同我晚宴既部長同經理溝通好。晚宴時，部長同經理真係好有經驗，佢會話俾我聽我應該係第幾度菜個陣起身講嘢，仲會提我好多細節。其實我好多嘢都唔識，但好彩有佢地提我！！真係覺得佢地好好！！

我哋係擺西式婚宴，全部都係長枱，我估無其他酒店做到或者做得咁好！我哋唔想擺中式，係因為通常擺中式婚宴，啲食物好多時都食唔晒，覺得好浪費。我哋都好感恩屋企人都唔係好介意擺長枱。 因為我哋都多賓客，成三百幾個，要咁大個場，仲要係做長枱，真係無乜邊間做到！我哋問過好多間都話唔得，甚至有啲會推翻我嘅意見！佢哋啲staff都跟得好足，就算本身跟開我哋婚宴嘅員工中途有轉過，但之後都follow得好好！另外，我覺得佢哋既食物質素真係唔錯，成三百幾份餐，西式又要擺得好靚，啲guests都話好好食！我哋俾啲guests揀main dish，佢哋好多都係揀牛，而佢哋好多都話好好食。 另外，因為我安排咗dish與dish之間會有人上台give speech，咁我話唔想到時啲waiters行嚟行去，咁佢地都做到。不過，有好多guests反映話啲dish上得遲咗，好似有啲枱差不多食完，但有啲都未上。不過佢哋真係做到我想要嘅嘢，呢一點真係好值得讚！