因為有朋友早過我少少結婚，早過我prep，咁佢就有discount比我地，所以我地喺大埔間六福買首飾金器。 當日經理佢都盡心幫我地搵我地想要既款，我地就要簡單啲既，咁佢都有幫我地搵。我發覺周大福、周生生同六福既design都差唔多。我覺得連鎖店比較有保障，所以我既結婚戒指、求婚戒指同金器都係呢度買。雖然我覺得六福比周大福低檔少少，但都不失係一間連鎖店，所以我都安心去買既。

有次行婚紗展諗住睇吓有無結婚對戒啱，就喺逛咗幾間唔同嘅珠寶店，行到六褔度見到有對個款比較啱(似2個圈重疊嘅款)，價錢又OK就買咗。當時對戒指有現貨，但因為要改size，所以都要之後再去大埔分店度攞。至於service方面，雖然係婚紗展，都有1對1嘅service，不過主要都係自己睇同叫個staff攞俾我哋試，如果佢可以主動啲介紹多啲款式就更好喇！