Mia Sposa推銷自己有啲couple衫，我太太覺得幾靚，就喺嗰度confirm咗套敬酒用嘅衫。我太太去final fit嗰日，我咪諗住去睇吓有冇啱。我太太試嗰件敬酒衫有少少剪紙感覺，的確係幾特別嘅，出面都冇見過，係得佢呢間有。見咁特別，我就試吓男裝，不過真係唔得，覺得好窄，佢個designer即係個老細竟然就話我 「你呢啲係賓佬Size！」真係乜嘢意思！！我去孫耀威嗰間都係試米八嘅衫，點解人哋唔洗改，可能人哋都係for model或者artist；嚟到呢間，你話我係賓佬，有冇搞錯！！！我唔係肥，係firm少少嗰隻，而且我都成１米８咁高。當時仲要我太太係度，我岳母係度，另外有個staff係度，全程五個人係度聽住佢咁話我，我即刻唔再試佢啲衫。原本上去都諗住有啱咪join埋一齊，唔洗分開咁多間，但佢咁樣一講，我一定唔會再幫襯佢！我又唔係黑，正常亞洲人膚色，我覺得好奇怪點解會話我賓佬，好唔尊重，始終我哋都係客，點可以咁講嘢。佢之後都知道我哋嬲，但都冇講翻唔好意思，衰咗都冇咩禮貌，所以最後淨係幫襯咗我太太敬酒嗰套衫。