我有個朋友同我差不多日期結婚，呢間係佢用咗之後介紹我過去。我上到去睇啲款其實覺得一般，但因為奶奶見到有件衫好鐘意，所以我哋就喺呢度租衫。因為我有啲衫喺另一間租咗，所以我就喺呢度租咗件送客晚裝。為咗方便啲，就喺度做埋姊姊裙，租埋新郎嘅馬褂同西裝。 老闆娘Flora乜都話靚，但我覺得啲款其實係一般，所以覺得佢有啲浮誇。我奶奶喺度就揀到件佢好鐘意嘅衫，不過我就一般。另外搵佢做嘅嗰條伴娘裙整完出黎好差....因為我啲姊妹裙都係淺藍色，伴娘我就想佢同其他姊妹唔同，就諗住做一條淺藍色加多個layer粉紅色係面嘅裙。我哋都搵咗圖俾佢哋睇，亦知道呢個做法係行得通，但最後佢哋做出黎加多層紗就變咗綠色...因為伴娘見到條裙話算啦，而另一個姊妹就喺淘寶買咗另一條裙俾佢，所以我哋就無叫佢哋再改。