我哋揀Ocean Wedding主要係因為佢哋性價比幾高，package 同價錢都合理。我哋揀咗佢哋嘅兩日攝影 package，包括影樓同外景，外景係去咗珠海。喺拍攝之前，攝影師同團隊都有先了解我哋嘅諗法，會講解行程安排同會影啲咩相，感覺得到佢哋好有心去安排，同埋團隊都俾咗啲 sample 我哋睇，好專業。初次接觸，Ocean Wedding嘅同事俾我嘅印象好 nice，好易傾，唔會 hard sell 我哋，而且 package 嘅內容都介紹得好清楚🌟。 拍攝當日，團隊好細心，化妝師、攝影師，甚至幫我揀婚紗嘅同事都好俾心機。佢哋會教我哋擺 pose，連啲細節都照顧得好好。化妝師仲會幫我拍片、記錄，知道我唔識戴con或者除都會主動幫手，佢哋嘅細心令我覺得好窩心，好有安全感。當日拍攝嘅氣氛好輕鬆，唔會緊張，令我哋可以自然啲。Ocean Wedding嘅影樓場景都好多元化，我哋影咗兩至三個場景都夠。最深刻係我哋帶咗四隻貓去影相，就算貓貓發脾氣，但化妝師同助手好有耐性， 幫我哋安撫貓咪，甚至引導佢哋望鏡頭。我哋都見到佢哋好用心，同埋啲相都好靚，完全感受到佢哋對寵物攝影嘅專業😍。

最方便係佢哋有一條龍服務，香港出發、去珠海影相、再接返我返香港，全程安排好，唔洗自己煩交通同行程。而且除咗影相，佢哋仲有其他婚禮服務，例如介紹律師、MC，甚至租衫。我就係透過Ocean Wedding介紹咗 MC 嚟做我哋婚禮主持，感覺可靠又方便。用過佢哋服務之後，再去推介其他 vendor， 我都覺得更加放心，會比較有信心👍。我覺得Ocean Wedding好有心，唔止幫你影婚紗相，佢哋會希望新人再搵返佢哋影相，例如生完小朋友都會搵佢哋影家庭照。我覺得佢哋真係好有熱誠、好有耐性、溝通好，唔會嫌我哋煩，成個過程好開心。收到相嘅時候都覺得靚，好滿意。珠海嗰輯影得好有特色，貓貓相都影得好靚，加上服務好，我覺得好抵😆！

Ocean Wedding嘅價錢合理，加上朋友推介，所以我哋就揀咗佢哋。第一次接觸佢哋嘅同事，印象就係幾好傾、唔會 hard sell，感覺有啲空間俾我哋考慮，唔會逼我哋即刻買 package。 我哋揀咗半日嘅婚禮拍攝加本地結婚相拍攝。整個拍攝過程，我覺得Ocean Wedding好專業、細心，尤其係化妝師，好照顧新娘嘅需要💕。攝影師亦都好肯聽我哋意見，如果我哋想加啲特別嘅動作或者效果，佢哋都會盡量配合。 我特別欣賞嘅係攝影師有時會為咗影靚相，瞓落地下去拎個角度，真係幾專業。喺拍攝之前，團隊都會同我哋聯絡，講返清楚當日流程同大概時間，令我哋對成個過程好清晰🌟。拍攝期間，氣氛好輕鬆，唔會令我哋緊張，好自然，大家有講有笑，完全唔會尷尬。成個過程我哋都好信任 Ocean Wedding，覺得團隊嘅指導好清晰，令我哋可以好輕鬆咁完成拍攝。如果啲相俾得快啲會更好，雖然而家速度都 ok，但更快就更加好。收到相之後，質素同調色都令我哋好滿意，自然又舒服，唔會覺得過度修飾～🙌🏻