Ocean Wedding嘅態度親切又熱情，我哋有問題都樂意解答，仲即場俾我哋睇佢哋嘅成品，呢點我覺得幾加分。佢哋價錢相對實惠之餘，仲會俾返曬所有相我哋。因為好多婚攝公司都淨係包部分相，其餘要另外加錢先可以攞返，但 Ocean Wedding 係影完之後，無論有冇揀嚟精修，都會將所有相俾返我哋，呢一點好符合我哋一開始嘅要求。Ocean Wedding 幫我哋影咗 Pre Wedding，大肚相同之後嘅初生 BB 造型相。 喺拍攝過程入面，我覺得佢哋嘅攝影師幾有經驗，會主動帶動氣氛，又會提醒我哋有啲咩要注意、點樣影出嚟效果會好啲，唔會淨係企喺到影相。俾我哋嘅感覺係團隊有做好準備、有諗過流程，而唔係臨場先算。 至於初生 BB 拍攝嗰次，其實都幾難忘🥹。因為我個 B 女比較冇安全感，當日需要氹佢瞓覺，等咗45分鐘先正式開始影。不過Ocean Wedding完全冇催促，亦都冇表現出任何唔耐煩，反而好有耐性咁配合，等 BB 狀態好咗先繼續拍攝。呢一點我覺得好重要，尤其係初生 BB 拍攝，本身就好需要彈性同理解。另外，每次拍攝之前，佢哋都會先問清楚我哋有冇特別要求、想做到啲咩效果，之後再分析俾我哋聽邊啲可行、邊啲未必適合，唔會一味應承。做唔到嘅地方會直接講清楚，做到嘅就會盡量幫我哋配合，溝通上算係清晰又實在😚。

喺成個拍攝過程入面，我覺得攝影師嘅表現相當專業。佢喺攞角度方面都好熟手，但最重要嘅係，佢會慢慢帶動氣氛，用比較自然嘅方法令我哋放鬆，唔需要我哋刻意扮開心，成個過程都唔會好尷尬☺️。 拍攝期間，攝影師亦都會講下笑、用輕鬆啲嘅方式同我哋互動，令氣氛保持輕鬆。呢 一點對我哋嚟講幾重要，我哋可以好快投入拍攝，出嚟嘅效果都自然啲。 整體嚟講，我覺得Ocean Wedding 團隊除咗著重技術層面，例如構圖同光線之外，其實都好重視客人嘅拍攝體驗，唔會淨係完成任務就算，而係會留意我哋當下嘅感受，呢一點我覺得幾加分。如果影樓入面部分場景或者 set up 可以考慮再更新一下，如果翻新下嘅話，整體觀感會更好。無論係改 plan、延期，定係之後嘅安排，團隊都會主動跟進，同我哋保持聯絡。尤其係我哋需要將個 plan hold 住甚至轉用其他plan， 佢哋都肯幫我哋 hold 住兩年，呢一點真係唔容易，亦都睇得出佢哋做事好有彈性👍。最後，我會形容成個團隊嘅態度係溫和、有耐性，又願意同客人討論。就算我哋有時要求比較多，佢哋都唔會覺得我哋麻煩，而係會一齊分析，諗點樣做到最好🙌🏻。

我哋第一次上 studio 同佢哋傾細節嘅時候，已經覺得Ocean Wedding 好專業。佢哋先問我哋想去邊到影，然後了解我哋嘅需求同想法，再根據我哋想要嘅感覺，慢慢分析邊啲package最適合我哋😙。成個過程溝通起上嚟幾舒服。另一個加分位係佢哋安排時間好快，我哋一搵佢哋，好快就約到上去見面，唔需要我哋等好耐，對於我哋呢啲時間比較趕嘅新人嚟講，真係好好。 我哋最後揀咗去日本影 pre-wedding，package 包埋衫、有車接送等等，基本上做到一條龍。仲有一點我幾欣賞Ocean Wedding 提供埋攞衫服務，如果自己攞其實要再上 studio 一次，但我哋出發前又好忙，有Ocean Wedding 幫手處理，真係慳咗唔少時間同心力☺️。

去到日本拍攝嘅時候，成個流程都好 smooth。我哋仲影埋和服相。團隊會俾我哋選擇用佢哋有嘅和服，或者喺日本當地再租其他舖頭嘅和服，選擇上都好彈性😆。行程安排方面，團隊都會先問清楚我哋揀咗邊間和服店、位置，再幫我哋排返成個拍攝次序同時間分配，令當日流程順利好多。拍攝前，Ocean Wedding 已經同我哋傾清楚所有安排，例如會提早問我哋嘅酒店地址，確保化妝師朝早準時到。拍攝當日嘅朝早，佢哋準時出現，成件事好有條理，令人好放心🌟。

有一個令我印象深刻嘅地方係Ocean Wedding 嘅收費好清晰。佢哋一開始就講明唔會有隱藏收費，同埋影完之後會俾返全部相我哋，唔會逐張底片計錢，亦唔會即場要新人揀相，呢啲位令成件事唔會有壓力。拍攝期間團隊好照顧我哋，因為我哋影外景要早起身，佢哋會提醒我哋準備少少嘢食同冬天衫，又會教我哋點樣痴暖包會比較保暖🥹。天氣凍嘅時候，唔洗影相嗰陣同事會幫我披住件外套，都好照顧我哋，驚我哋凍親🥹。中間換衫嗰陣，同事會陪我去洗手間，仲會幫我手一齊換衫，因為一個人著婚紗真係唔係咁方便。呢啲細節位好貼心，真係會照顧新人需要。成個拍攝過程氣氛輕鬆，團隊會提我哋笑、會叫我哋諗啲開心嘅嘢，特別係因為拍攝要早起身，團隊會同我哋傾計令大家唔會咁易瞓着🤣。我哋本身唔係咁識擺 pose，佢哋都好有耐心咁去指導我哋，沿路見到靚景團隊都會建議我哋停低影多幾張相，真係好細心❤️。如果團隊feel到我哋有啲尷尬或者緊張，佢哋都會講啲嘢嚟緩和氣氛，可以令到我哋放鬆啲。 當日仲要有落雨嘅情況出現，Ocean Wedding 即刻調整 schedule，安排返影相嘅地方同時間，確保啲相出到嚟靚，但又唔會受天氣影響。當時交通都有啲擠塞，團隊都即時調整路線，揀最快或者最靚嘅時間去每個景點，可見佢哋對日本景點同拍攝流程好熟。即使拍攝當日遇到富士山陰天嘅情況，佢哋都會安慰我哋話可以後期去再處理，而且唔會額外收費，呢點令我哋都好放心😍！