喺婚展接觸過唔同嘅攝影公司，而Ocean Wedding比我嘅感覺比較有彈性，例如落雨可以免費不限次數改期，只要拍攝前一日通知就可以。喺拍攝schedule上好靈活😊，例如太陽最猛嘅時候，佢哋會安排休息等等。

Daisy 喺揀衫方面比咗好多意見我，仲唔介意咁幫我戴埋nude bra添❤️。佢哋喺拍攝地點上都比好多建議，最後揀咗迪欣湖同studio拍攝。佢哋嘅studio可以即場轉換佈景，所以好多選擇。本身諗住去日本拍攝，不過因為疫情關係變咗Post Wedding先影，佢哋好貼心咁比我用返日本package嘅化妝師，咁我就唔需要再額外比一筆化妝費用喇🥰。

無論係外景拍攝定studio，都係攝影師Hero負責，佢講解嘅時候好清晰，而且仲好幽默，我哋唔識擺pose, 又會好有耐性咁指導我哋，我哋真係好滿意輯相👍！而且佢哋拍攝好多元化，家庭照、畢業相等等都有，適合唔同階段嘅人！

一開始Ocean Wedding唔會即刻sell我哋，而係講解個package會包啲咩，價錢好合理。我有上網搵其他公司問過，但係佢哋比較hard sell，價錢好貴，又好夾硬咁要我哋就其他新人影相嘅時間。覺得同Ocean Wedding傾得最舒服，所以我直接喺佢哋度book咗三套pre-wedding，一套去北海道影雪，一套去大阪影櫻花，仲買咗個package喺香港影😆。

三套pre-wedding係同一set crew影嘅，已經同大家好熟。同埋因為依家嘅疫情，我註冊嗰陣無大搞，但係我都搵返佢哋嘅化妝師幫我化妝，因為佢化嘅妝係我鍾意嘅風格。

去北海道影相嗰陣好凍，我本身好怕凍，但係又想影雪，佢哋就推介去雪之美術館影，又俾返佢哋之前客人嘅相我哋睇，睇完覺得好靚，咁佢哋就介紹要點book、幫我哋問定價錢，同埋好貼心地問需唔需要佢哋幫我哋book，好周到啊，我哋可以完全放心🥰。影相嘅時候佢哋唔單止識搞氣氛，仲會訓晒身喺雪地同河邊幫我哋影，淨係專注幫我哋影到靚相。佢哋有租車嘅服務，攝影師就幫我哋做埋司機，直接嚟酒店接我哋去影相，影完又送返我哋返去😇。

佢哋有送影樓嘅一輯相俾我，但係因為咁嘅疫情所以我推咗幾次，影完好攰所以唔想再影。我係咁改期佢哋都無問題，可以俾我係咁改。其他三輯相我哋已經收返啦，我都揀好啲相，依家都差佢哋要p相同排版再俾返我哋，但係齋睇無p嘅相已經好好，個景超靚，我哋好滿意啊😍。

我嚟緊返大陸擺酒都有問佢哋成team人去影big day幾多錢，但係貴咗啲，所以無選擇到。同埋攝影師揸車可以唔好咁快啊🤣，好大雪嘅情況佢都可以飆住返嚟，太犀利啦。我覺得鍾意大自然嘅新人都適合Ocean Wedding啊，佢哋好百搭，性價比又高，佢哋嗰陣喺大阪影完第二日又可以撲返去京都影，好就到客人嘅要求👍🏻。