我一開始認識到Ocean Wedding係因為我有兩個學生喺嗰度做，見過幫襯過佢哋嘅朋友都覺得幾好。之後我去婚展比較過，但係其他間俾我嘅服務都係啲好口頭嘅嘢，但係睇唔到實質嘅嘢，譬如有啲台灣嘅公司話佢哋會用返當地嘅攝影師同我哋影相，但係我覺得係無乜保障嘅。而Ocean Wedding影嘅相好合我心意，同埋佢哋服務好貼心，俾嘅錢係值得嘅，所以最後就決定用佢哋嘅pre-wedding攝影啦。

我哋係喺香港影嘅pre-wedding，佢哋有一個化妝師、一個攝影師加一個助手。本身我自己有plan一個行程嘅，不過攝影師建議咗第二個方法，跟住我都決定跟佢嗰個係比我自己初時決定嘅路線好好多，佢哋有經驗真係專業好多👍🏻。

最貼心係佢哋影相之前會話晒成個行程俾我知，同埋我要留意下自己嘅心情，就諗多啲好嘅嘢啦。影相前佢會喺公司度同我哋嚟個rehearsal先，睇下點樣擺pose同俾個感覺自己，咁到時影相就會靚啲，同埋影相嘅時候攝影師好識搞氣氛，引到我哋去笑😙。我未來太太唔係咁鍾意太曬嘅地方，佢哋都會願意花少少時間去實地搵下邊度適合我太太影相。因為我太太有沙眼，係會經常流眼淚，化妝師長期好貼心咁幫我睇住我太太，幫佢用棉花棒索啲眼淚，真係好上心，呢樣嘢我哋好開心啊🥰。

我覺得佢哋可以喺catalog度加多啲唔同地方嘅相片，譬如西環碼頭，好多新人都唔知原來嗰度係可以影相嘅，佢哋介紹多啲邊啲有香港特點嘅地點係適合新人影相嘅，咁我哋就可以有更加多嘅planning啦。我哋收到啲相啦，比我哋想像中仲靚，係比較年輕同自然嘅風格，所以我覺得年青啲嘅新人就會比較適合佢哋啦😆。

我係去行婚展認識到Ocean Wedding嘅，其中一個攝影師同我哋講解得好詳細，譬如點樣影同啲rundown點會比較好，所以我哋會比較有信心。不過我哋無即刻join，比較過其他間公司，覺得比較鍾意Ocean Wedding嘅風格同有信心啲，所以我哋之後特登再去婚展join佢哋嘅pre-wedding同big day攝影啦😆。

我哋pre-wedding去咗石澳同山頂影。印象最深刻係影山頂纜車嘅時候，因為我老公唔係成日影相嗰啲人，影嗰陣就會係咁眨眼同望唔到鏡頭，咁變咗我哋成班人要再等下一架上去或者落嚟嘅車先影到。攝影師佢哋好有耐性，每次等要等十幾分鐘，佢就會提議我哋影住其他地方先，咁時間就容易消耗啲，唔會話好似企喺度齋等好尷尬咁。佢哋仲會俾啲專業意見我哋，教我哋擺pose同放鬆啲。收返嘅相我哋好滿意啊，其實影得outing就係想要有多啲大自然嘅景，我自己本身想要多啲大頭嘅，雖然佢哋就唔係影到好多大頭，但係就攞盡戶外拍攝嘅優勢啦😚。不過佢哋pre-wedding啲衫嘅款式唔係好多，如果佢哋可以引進多啲款式就會更加好啦。

Big day嗰日係第二隊crew嘅，我哋淨係join咗2P1V嘅package。攝影師會提我哋整日嘅流程同做埋時間管理，佢哋見到時間緊少少就會提我哋。雖然外拍唔係用咗好多時間，佢哋剪輯出嚟早拍晚播嘅平衡好好啊，唔會淨係得中式，都會有埋西式嘅部分，又好識捕捉我哋真情流露嘅位，我哋好滿意🥰。我哋join嘅package係會開席前派返啲相俾我哋，賓客都讚啲相影得好好，有正面嘅大合照都好好。早拍晚播嗰度因為佢哋用中文歌，賓客就話好少見係用中文歌，成個感覺好好、好特別😇。我已經介紹咗朋友用Ocean Wedding啦，佢哋嘅風格比較自然，性價比好高👍🏻。