我哋曾經去過朋友嘅婚禮，見到Ocean Wedding幫佢哋影嘅相覺得幾靚，之後去行婚展比較過覺得佢哋嘅性價比最高，所以就決定同佢哋去日本富士山影pre-wedding啦😍。

我哋係同朋友攞咗個contact number聯絡佢哋嘅，confirm咗有興趣就上佢哋studio傾，佢哋好清晰咁介紹個package，但係地點就唔係好多選擇，我哋好想去富士山，咁除咗富士山佢就淨係俾咗一兩個其他地方我哋選擇。不過可能都唔關佢哋事，因為我自己唔知道有咩熱門影相地方，可能係嗰頭無嘢好影啦🙈。

攝影師知道我哋唔係成日影相，就會教我哋擺pose同搞下氣氛。喺日本嘅機票同住宿喺我哋自己book嘅，同埋有買埋佢哋揸車接送去影相嘅plan，所以同佢哋講話我哋book咗住邊度，佢哋就會嚟接我哋啦。除咗攝影師，佢哋有一個助手同一個化妝師，太太都讚個化妝師好好，同埋感覺佢哋本身好friend，所以合作得好好，成個過程好smooth好開心🥰。下午果時佢哋3個都係食咗飯團同零食就出發，唔會浪費任何時間幫我哋影相。

我哋一共俾咗三筆費用，第一筆係佢哋嘅package，包咗相、化妝同租衫；第二筆係邀請佢哋揸車車埋我哋；第三筆係隧道費，因為路程好遠。我覺得佢哋呢個價錢好合理，因為佢哋好努力好上心，我哋滿意影出嚟嘅相啊，係我哋想要嘅嘢😆。不過因為我哋咩都唔知，好多嘢就唔係好識揀，如果佢哋可以發掘多啲地方俾我哋揀就更加好啦。

雖然我哋有少少介意佢哋成日會post返啲相出嚟，不過同佢哋反映咗之後佢哋都有改善。我會介紹Ocean Wedding俾其他新人啊，佢哋好盡力好有heart，鍾意呢啲自然日系風格嘅新人就可以考慮下佢哋啦😇。

我十年前嘅婚紗相已經係搵Ocean Wedding幫我哋影，覺得佢哋嘅相有質素，所以好信任佢哋😇。依家上網search返見到佢哋原來搬咗位置，有自己影相嘅室內studio，因為我比較鍾意喺室內影相，同小朋友影都方便啲，所以就聯絡返佢哋影家庭相啦😆。

佢哋嘅package就包埋租衫同化妝set頭，小朋友衫係我自己帶去，我嘅婚紗同先生嘅禮服都係佢哋提供，啲款有好多可以選擇，咁樣嚟講個價錢好公道👍🏻。其他公司嘅家庭相通常限影四個人，每多一個人就要加錢，但係佢哋好好嘅一樣嘢就係唔限人數，我仲可以帶埋姐姐一齊去影。我哋去影嗰日係平日，我個女就放三點幾，佢喺油麻地返學，再坐車過到去都要一段時間，未必咁準時到，所以我就同個化妝師話我個女大概四點半前到，可唔可以等下佢，幫佢set下個頭呀。化妝師好好，唔會話一化完就走，都等埋我個女女嚟，set埋頭佢先走，安排得好彈性。

佢哋studio雖然唔係好大，但係都有唔同嘅佈景影，係我哋心水嘅場景，有啲波波會啱小朋友，佢哋就最開心啦，又有啲簡單啲嘅，譬如一張靚梳化咁，都影到張好靚嘅相出嚟啦🥳。攝影師同嗰度嘅職員對我嘅兩個小朋友好warm好貼心，好似一班人喺度玩緊咁，令到小朋友易啲投入，影出嚟就會自然啲。同埋原本係影一個鐘嘅，但係攝影師見我哋有小朋友，就話送多咗半個鐘俾我哋，最後佢見我哋影得咁開心，仲差唔多影咗兩個鐘，唔會催我哋，又唔會同我額外收費🥰。出面好多攝影公司都係要後期製作出嚟令到張相好靚，但第一輪同我哋影咗百幾張相，收返啲相真係未執已經好純好靚，我哋好鍾意啊😍。

如果佢哋可以有埋小朋友嘅禮服就更加好啦，雖然我都明佢哋可能會擔心提供嘅禮服未必啱哂全部人，但係佢哋有少少喺度嘅話都方便我哋，就唔洗特登去買啦🙈。同埋仔依家讀幼稚園，出年就畢業，我都有問佢哋有無幫小朋友影畢業相，不過佢哋就話無嘅，我就提出佢哋嘅價錢都唔貴，如果可以影埋畢業相，俾到個價錢我，咁我都可以問下啲家長，啱嘅話就可以安排下啦。佢哋真係有聽我呢個建議，兩日到就俾咗個大約嘅報價我，介紹埋有咩服務同影幾多個鐘，仲話啲畢業袍佢哋都可以安排到，真係好快好上心😙。