我一開始係想喺日本做見證嘅，都有去婚展睇過了解咗好多，後尾發現原來好複雜。朋友見我想去日本影就介紹咗Ocean Wedding俾我，咁我就whatsapp佢哋問咗好多嘢，之後先約咗上佢哋studio睇🤓。

佢哋會問咗我想要影啲咩同幾時影先，咁我就提出唔想去咁遠，唔鍾意陽光海灘，係想影富士山同紅葉多啲。佢哋就會話返俾我聽邊一個禮拜去會最好，可以俾到啲專業意見我哋，我哋想去邊同佢講，佢哋就會幫我哋度好個行程啦。因為佢哋fulfill到我想要嘅地方，可以幫到我，又解釋得好清楚，所以最後就決定同佢哋去日本影pre-wedding啦😇。

原本淨係影相嘅，諗諗下不如做埋見證，所以我提出咗呢個請求，佢哋之前係無喺studio做過見證嘅，但係都即刻話無問題，不過就要揀返平日，因為星期六日嘅時間會難就啲，會比較多人上去影相。所以我就喺原本香港pre-wedding嘅2個鐘加多個鐘做證婚啦，佢哋好好，係開始影相先計時間，唔係化妝開始計，去到日本影都係咁，好公道👍🏻。見證嘅過程好正，佢哋好幫手好take care我，因為我嗰日都比較忙，又要照顧朋友。最開心係我隻狗都可以去，呢個真係main point，因為出面好多證婚嘅地方都唔可以帶狗🥺。最後就同屋企人同好少朋友做咗個好簡單嘅儀式，我請咗30人到，唔想咁鋪張，咁樣有個地方做到見證都好開心啦。

同埋化妝師化嘅妝好靚，唔會好濃，屋企人朋友見到都讚好自然好靚。之後去到日本影相，都係證婚嗰陣嘅攝影師Hero同化妝師Carol同我哋一齊去，咁我哋喺香港用過佢哋，已經體驗咗影婚紗相嘅感覺，去到日本都放心啲啦😙。婚紗係喺香港帶過去嘅，出發前佢哋會幫我改到好靚，去到都完全無問題。Total就影咗兩日，因為地方問題唔可以一日影晒。喺輕井澤同富士山嗰陣得2,3度，真係好凍，佢哋都攞住我啲衫，一影完就即刻披落我度，好貼心啊。我哋搭車食飯都係一齊，有時佢哋都要揸好遠，一見到我頭髮亂咗又即刻幫我整返好，補妝嗰啲都跟得好足，我嘅衫鈕甩咗佢哋都幫我縫返。影相嘅時候佢哋全部人呢都會幫手教我哋擺pose，又會搞下氣氛，等我哋唔好笑得咁僵硬。證婚啲相我哋都收返啦，影得好靚，係我哋想要嘅風格😍。

日本啲相我哋就未收返，不過都明白呢排新年佢哋會比較忙，同埋攝影師要自己執相。我哋喺日本無影到咩相，佢哋好好，影咗啲花絮send返俾我哋睇，俾我哋回味下先。幫我揀衫、打點啲嘢嘅Daisy，Hero同Carol真係夢幻組合嚟㗎，簡直係十項全能🤩。Hero做埋司機，Carol同Daisy仲幫手打埋燈，真係好勁。因為佢哋去咗好多次，啲燈擺咩位都好熟悉，好快就可以影到。佢哋成日都要搭咁耐車去影相好辛苦，Carol嗰陣咁凍仲要病咗，流晒鼻水食住藥咁，無heart無passion真係做唔到㗎🥰。

係朋友介紹Ocean Wedding俾我哋嘅，我都有上網搵過其他公司，但都係覺得朋友介紹嘅會好啲，朋友用過始終會安心啲，同埋比較過佢哋嘅價錢都合理，所以就揀咗佢哋啦。我就Join佢哋嘅Big day攝影2P1V嘅plan，同一輯pre-wedding外景相，性價比都好高😆。佢哋嘅攝影師係好識搞氣氛，平時唔係好笑嗰啲賓客聽到佢講都會笑到四萬咁口，令到拍攝嘅過程無咁緊張，影相都會好睇啲🥰。我哋一開始開會有傾過當日個rundown，佢哋都有俾意見，咁我都有跟佢嘅意見改咗啲嘅。通常Big day都會有好多嘢發生，但佢哋影相都好快，會跟足我嘅rundown無delay，所有嘢都好順利👍🏻。譬如我哋係去觀塘海濱長廊影外景嘅，咁我都預咗好多時間入去，但佢哋就有同我講唔洗預咁多時間，因為嗰度影得都快嘅。加上果日撞正有社會活動，我都驚交通問題，所以都極速影完就極速返去晚宴場地啦，佢危機處理得好好，唔會特登拖時間要影好多咁。我好鍾意佢哋影嘅same day edit，好識捕捉嘅感動位。我原本見到佢哋影得咁快以為會無乜嘢睇，但原來好多都係一shot過，combine埋真係好好睇，都好專業啊。我哋真係好滿意佢哋嘅服務，已經介紹埋俾朋友添啦。我覺得任何類型嘅新人佢哋都可以適應到，因為佢哋都會跟新人想要嘅風格去拍片😊。