我係去行婚展認識到Ocean Wedding嘅，其中一個攝影師同我哋講解得好詳細，譬如點樣影同啲rundown點會比較好，所以我哋會比較有信心。不過我哋無即刻join，比較過其他間公司，覺得比較鍾意Ocean Wedding嘅風格同有信心啲，所以我哋之後特登再去婚展join佢哋嘅pre-wedding同big day攝影啦😆。

我哋pre-wedding去咗石澳同山頂影。印象最深刻係影山頂纜車嘅時候，因為我老公唔係成日影相嗰啲人，影嗰陣就會係咁眨眼同望唔到鏡頭，咁變咗我哋成班人要再等下一架上去或者落嚟嘅車先影到。攝影師佢哋好有耐性，每次等要等十幾分鐘，佢就會提議我哋影住其他地方先，咁時間就容易消耗啲，唔會話好似企喺度齋等好尷尬咁。佢哋仲會俾啲專業意見我哋，教我哋擺pose同放鬆啲。收返嘅相我哋好滿意啊，其實影得outing就係想要有多啲大自然嘅景，我自己本身想要多啲大頭嘅，雖然佢哋就唔係影到好多大頭，但係就攞盡戶外拍攝嘅優勢啦😚。不過佢哋pre-wedding啲衫嘅款式唔係好多，如果佢哋可以引進多啲款式就會更加好啦。

Big day嗰日係第二隊crew嘅，我哋淨係join咗2P1V嘅package。攝影師會提我哋整日嘅流程同做埋時間管理，佢哋見到時間緊少少就會提我哋。雖然外拍唔係用咗好多時間，佢哋剪輯出嚟早拍晚播嘅平衡好好啊，唔會淨係得中式，都會有埋西式嘅部分，又好識捕捉我哋真情流露嘅位，我哋好滿意🥰。我哋join嘅package係會開席前派返啲相俾我哋，賓客都讚啲相影得好好，有正面嘅大合照都好好。早拍晚播嗰度因為佢哋用中文歌，賓客就話好少見係用中文歌，成個感覺好好、好特別😇。我已經介紹咗朋友用Ocean Wedding啦，佢哋嘅風格比較自然，性價比好高👍🏻。

我哋曾經去過朋友嘅婚禮，見到Ocean Wedding幫佢哋影嘅相覺得幾靚，之後去行婚展比較過覺得佢哋嘅性價比最高，所以就決定同佢哋去日本富士山影pre-wedding啦😍。

我哋係同朋友攞咗個contact number聯絡佢哋嘅，confirm咗有興趣就上佢哋studio傾，佢哋好清晰咁介紹個package，但係地點就唔係好多選擇，我哋好想去富士山，咁除咗富士山佢就淨係俾咗一兩個其他地方我哋選擇。不過可能都唔關佢哋事，因為我自己唔知道有咩熱門影相地方，可能係嗰頭無嘢好影啦🙈。

攝影師知道我哋唔係成日影相，就會教我哋擺pose同搞下氣氛。喺日本嘅機票同住宿喺我哋自己book嘅，同埋有買埋佢哋揸車接送去影相嘅plan，所以同佢哋講話我哋book咗住邊度，佢哋就會嚟接我哋啦。除咗攝影師，佢哋有一個助手同一個化妝師，太太都讚個化妝師好好，同埋感覺佢哋本身好friend，所以合作得好好，成個過程好smooth好開心🥰。下午果時佢哋3個都係食咗飯團同零食就出發，唔會浪費任何時間幫我哋影相。

我哋一共俾咗三筆費用，第一筆係佢哋嘅package，包咗相、化妝同租衫；第二筆係邀請佢哋揸車車埋我哋；第三筆係隧道費，因為路程好遠。我覺得佢哋呢個價錢好合理，因為佢哋好努力好上心，我哋滿意影出嚟嘅相啊，係我哋想要嘅嘢😆。不過因為我哋咩都唔知，好多嘢就唔係好識揀，如果佢哋可以發掘多啲地方俾我哋揀就更加好啦。

雖然我哋有少少介意佢哋成日會post返啲相出嚟，不過同佢哋反映咗之後佢哋都有改善。我會介紹Ocean Wedding俾其他新人啊，佢哋好盡力好有heart，鍾意呢啲自然日系風格嘅新人就可以考慮下佢哋啦😇。