Ocean Wedding 係我未婚夫朋友介紹俾我地，我都已經無再去同其他公司比較，睇過佢地D相，覺得都同我想要嘅野類似，所以好快confirm佢地。我覺得佢地D相嘅氣氛，構圖都OK，同埋本身係想影風景多D，所以就prefer去日本，咁岩佢地又有一個plan係去日本影櫻花🌸同埋佢地都幾專業，會好細緻咁問我大概想要D咩野，因為第一次影，其實我咩都唔知 😂 我覺得成個過程都係愉快，好多時候突然諗到D野問，佢都會好耐性好詳細好清晰咁解釋俾我聽，或者好多時半夜三更突然諗到D問題，佢地都好快覆到。有時我自己都唔知自己想問D咩或者要D咩，佢地都會引導到我 😙

到影婚紗相，其實都知好辛苦，可能D角度會好難影，或者要企係D好危機嘅地方度影。佢地都係好專業去配合返個構圖、角度。 女裝喺佢地度租，男裝就唔係。佢地D衫都ok，比較高貴，同埋D衫都新淨，會揀到自己想要嘅衫，佢地仲幫我fit左兩次身！我影完相可能要喺好短時間內轉去其他地方，化妝師都可以轉到妝。同埋我影pre wedding嗰陣日本好凍，化妝師都會幫我拎住件衫，係側邊隨時ready，真係好好！💕我地影左一個whole day，為左幫我地影相，攝影師成日企係D好危險嘅位🙈 同埋佢地都無咩時間食野，飲水都好似好少飲... 嗰日都真係影足成日！佢地顧住同我地影，幫我地搵景，見到呢度靚或者佢地呢到影開有邊D獨家嘅位，都會帶我地去。有時我地都估唔到原來嗰D位置都可以影相，好多地方都係第一次去！好似有一張相，喺個湖中間影，有兩個倒影咁嘅，本身應該係有個窿俾佢地，但最後無，變左佢地要特登自己搬D石仔去搭返條橋俾自己企。如果佢地企得唔好，失左x08小小平衡，就會跌左落去，呢個真係最深刻嘅一個片段！😦 返到黎香港之後溝通都係好快。咁影完相，除左想可以有相放上網，都真係好想睇下佢執完之後嘅效果係點😛影相嗰陣，我都心急有叫佢用手機幫我影埋。咁佢知我心急，會俾住一兩張相我睇左先，同埋佢地都快整俾我！我都知其實佢地好忙，因為佢地影完我就已經趕住去韓國，但係佢執相都執得好快。 整體黎講我都覺得好好，好滿意！👍🏻

我覺得個攝影師佢其實係好嘅，但係就有少少太有主見.......有啲動作佢想我做得好啲，佢就叫我：再擰多少少！條腰再擰多啲就瘦架啦！我知道我個人係有啲漲嘅，但其實我著住套褂都好難再擰，結果係呢啲位都浪費好多時間。而且我朝頭早著褂嘅時候，佢就掛住影我攬住條褂，搞到之後兄弟啲相就影唔到，覺得佢安排嘅時間好極端。

當日我媽咪就比較激動，一嚟到就爆喊，我就叫攝影快啲影完唔好停留係我媽咪度，但係攝影師就話好溫馨呀！就不停叫我媽keep住喊，又話聽唔到我媽同我講嘅嘢，就叫佢再講多次，repeat再repeat.....成日叫「媽媽再嚟多次呀！好感動呀！」但係其實我就唔想媽媽咁辛苦爆喊......然後到戴金器嘅時候，攝影師就完全無比時間我媽媽講下嘢，而其實我媽媽係想慢慢親手幫我戴，但攝影師就係咁就叫啲兄弟姊妹幾對手咁快啲幫我，成件事真係好混亂。個陣有幾對手鐲，大妗姐就話要用啲紅繩綁住一齊，攝影師就話唔洗，叫我地是但用條金鏈繞住，但係最後條鏈就唔夠長，大家都好無奈......

當日我先生有隻戒指，係開口嗰種金戒指，帶上去嘅時候有啲緊。攝影師又話：哎！呢啲等我嚟好易嘅啫！根住佢就好粗暴咁樣整開佢，搞到隻戒指由圓形變咗橢圓形，我先生就好不滿！而且當日都有好多程序佢有意見，好多情況都有磨擦。例如拋花球嗰度，我拋完佢就話：拋完啦走得啦！我原本係想補多兩三張相，但佢就已經托住部機走到老遠...... 雖然我知道時間係好急，但係其實影多兩三張相應該好快啫！好彩有佢個副手理我地、幫我地影。我有時仲要我啲姊妹拎手機出嚟幫手影，攝影師就好唔耐煩咁。然後有樣真係比較尷尬，啲親戚朋友喺度嘅時候問可唔可以幫手影兩張，但係主攝影師好似準備收工咁，竟然全部推走哂.......