我本身想去日本影相，搵相關資料時見到Ocean Wedding，覺得呢間公司影D相好靚，D評語又好，跟住問埋價錢又好ok，就揀左佢地😊 佢地服務好好，特別admin同事，因為我時間上唔太易就到，所以佢俾左好多時間我揀，去就番我，好細心咁同我夾時間。 衫方面，喺佢地度租埋拎去日本影，佢俾左好多件我同我男朋友試，款式上我覺得都ok，揀到我地自己想要嘅款😌 基本上係攝影師安排我地嘅路程，所以我地完全係十分之悠閒，真係交哂俾佢咁跟住佢去。最後我地去左京都，奈良嗰邊影，仲有一個地方（都唔太記得係邊），真係好似佢帶我地去旅遊咁樣😝 我地影相嗰陣有一個moment我印象好深刻！攝影師去到一個位係要捐入草叢，再趴低幫我地影，我嗰下好surprised！因為都未見過攝影師真係咁努力，付出咁多去幫我地影相🙏🏼 仲要我地去日本嗰陣天氣好凍，所以個攝影師真係好好！仲有兩個助手都係，一個係化妝，一個係負責幫攝影師Hero打燈嘅助手，佢地都有不停遞衫俾我，覺得佢地係好無微不至 😍化妝都係我想要嘅野，化妝師會按返我面形幫我分左邊定右邊界，又會同我襯返頭飾，基本上都唔使我帶，佢已經預備好，會決定埋邊個妝就襯邊樣野。 我聽人講，通常D攝影師係會俾哂D相你先，跟住你揀你鍾意嘅就幫你執光暗等等。但同Ocean Wedding影完相後，佢都精益求精，修好哂D相跟住先俾我再去揀！佢有好清楚咁同我地解釋返個原因，所以我都好滿意佢地嘅服務💕

 Ocean Wedding 係我未婚夫朋友介紹俾我地，我都已經無再去同其他公司比較，睇過佢地D相，覺得都同我想要嘅野類似，所以好快confirm佢地。我覺得佢地D相嘅氣氛，構圖都OK，同埋本身係想影風景多D，所以就prefer去日本，咁岩佢地又有一個plan係去日本影櫻花🌸同埋佢地都幾專業，會好細緻咁問我大概想要D咩野，因為第一次影，其實我咩都唔知 😂 我覺得成個過程都係愉快，好多時候突然諗到D野問，佢都會好耐性好詳細好清晰咁解釋俾我聽，或者好多時半夜三更突然諗到D問題，佢地都好快覆到。有時我自己都唔知自己想問D咩或者要D咩，佢地都會引導到我 😙

到影婚紗相，其實都知好辛苦，可能D角度會好難影，或者要企係D好危機嘅地方度影。佢地都係好專業去配合返個構圖、角度。 女裝喺佢地度租，男裝就唔係。佢地D衫都ok，比較高貴，同埋D衫都新淨，會揀到自己想要嘅衫，佢地仲幫我fit左兩次身！我影完相可能要喺好短時間內轉去其他地方，化妝師都可以轉到妝。同埋我影pre wedding嗰陣日本好凍，化妝師都會幫我拎住件衫，係側邊隨時ready，真係好好！💕我地影左一個whole day，為左幫我地影相，攝影師成日企係D好危險嘅位🙈 同埋佢地都無咩時間食野，飲水都好似好少飲... 嗰日都真係影足成日！佢地顧住同我地影，幫我地搵景，見到呢度靚或者佢地呢到影開有邊D獨家嘅位，都會帶我地去。有時我地都估唔到原來嗰D位置都可以影相，好多地方都係第一次去！好似有一張相，喺個湖中間影，有兩個倒影咁嘅，本身應該係有個窿俾佢地，但最後無，變左佢地要特登自己搬D石仔去搭返條橋俾自己企。如果佢地企得唔好，失左x08小小平衡，就會跌左落去，呢個真係最深刻嘅一個片段！😦 返到黎香港之後溝通都係好快。咁影完相，除左想可以有相放上網，都真係好想睇下佢執完之後嘅效果係點😛影相嗰陣，我都心急有叫佢用手機幫我影埋。咁佢知我心急，會俾住一兩張相我睇左先，同埋佢地都快整俾我！我都知其實佢地好忙，因為佢地影完我就已經趕住去韓國，但係佢執相都執得好快。 整體黎講我都覺得好好，好滿意！👍🏻