當時我都有考慮過其他團隊，搵過好多資料，但都搵唔到心水嘅。 最後我就聯絡咗家姐，佢就介紹咗 Ocean Wedding 俾我。我睇完資料之後，覺得佢哋收費合理，所以就決定用佢哋嘅 pre wedding package💕。喺溝通方面，我覺得Ocean Wedding好有耐性同專業。因為我哋對好多嘢都唔熟，佢哋會主動問我哋有冇咩 concern，甚至會引導我哋諗問題，仲會提供好多過往影過 pre wedding 嘅經驗同資料俾我哋參考，呢啲都幾貼心。我哋揀咗嘅服務包括海外 pre wedding、香港影樓 prewedding同埋Big Day 拍攝，仲有搵律師證婚相關服務❤️。拍攝之前，團隊會先了解我哋嘅喜好同諗法，例如會 send 啲衫俾我哋睇，提醒我哋拍攝前要注意嘅細節，例如係食嘢要小心，避免食啲好容易變腫嘅嘢食、女仔著衫嘅技巧等等，呢啲細微位佢哋都會照顧到，感覺上團隊真係好有經驗。團隊都唔會逼住我哋做決定，會俾我哋空間去諗。如果滿意嘅話，Ocean Wedding 會盡量安排同一位化妝師跟我哋去海外同 big day 拍攝，咁就唔洗每次都重新講一次我哋嘅要求，好方便又減少麻煩🥰。

第一次影相個感覺真係好新鮮，我哋有好多嘢真係完全唔識，例如係點樣笑、點望鏡頭、啲 pose 點擺。Ocean Wedding嘅攝影師好有耐性，同埋教得好好，我哋唔洗自己諗咁多。團隊又會引我哋笑，令我哋嘅表情自然啲🥳。嗰日我哋仲帶埋狗狗去影，寵物有陣時會有啲難控制，尤其係去到一啲陌生嘅地方，但團隊都好有耐性，識得引佢注意，令佢入鏡嘅時候表現得好自然，識得笑。Ocean Wedding 真係幾 pet friendly，佢哋自己都有養寵物，所以知道點樣照顧同引導我哋嘅狗狗🐶。拍攝嗰陣，我哋可以完全專心影相，唔洗擔心狗狗，佢哋會陪住狗狗玩，令佢哋好開心但又唔會失控，令啲相出到嚟效果好好，同埋成個拍攝氣氛都幾輕鬆愉快。Ocean Wedding 同新人嘅相處方式唔會令人覺得有距離，可以好似朋友咁傾偈，完全唔會有「客同公司」嘅拘束感，令我哋心情都好放鬆🌟。婚紗款式佢哋有俾網上link我哋睇，不過我覺得佢地鋪頭嘅婚紗俾catalog多好多款式選擇，到鋪頭佢哋介紹既款式都好好睇，有時睇相都未必睇到款式上身嘅實際效果，但其實佢哋啲衫係好靚㗎！我覺得真係要到鋪頭現場試，或者睇真人上身嘅效果先會更加準確咁知道嗰效果會點，如果catalog有真人上身嘅圖片，對新人嚟講會更加方便😝！整體都很滿意🥰。

當時我都有比較過其他婚禮攝影公司，我哋就揀咗 Ocean Wedding，主要係因為佢哋嘅質素好，價錢亦都合理，令我都有信心揀佢哋💖。我哋每次有問題，同事都會好快覆返我，解答得都好清楚。無論係揀衫定係其他事項，佢哋都會提前提醒我，俾足夠時間我去準備，真係幾細心🌟。我哋揀咗Ocean Wedding嘅 Pre wedding 同 Big Day Package，我哋對攝影師嘅印象好好，佢份人好搞笑，令我同我老公唔會覺得尷尬。尤其是係我老公平時唔係好鍾意影相，但攝影師真係幫到佢放鬆，令成個拍攝過程輕鬆好多。攝影師亦會俾啲指示我哋，甚至會親身示範個動作，令我哋容易啲明白🥳。

無論係化妝上嘅要求，定係想影某啲角度，Ocean Wedding都會聽我哋嘅意見同埋做到。我哋嘅package係一條龍服務，包括禮服、拍攝同化妝。揀禮服嘅時候，同事亦會問我有冇啲咩特別要求，令我哋可以揀到更加適合自己風格嘅衫，咁影出嚟嘅相都會靚啲❤️。化妝方面，化妝師都好細心，會問我有冇啲唔鍾意嘅髮型或者頭飾，都會配合我嘅要求😆。

影Pre wedding 嘅時候，我哋揀咗珠海作為地點，喺成個拍攝過程當中，Ocean Wedding真係好細心，提醒我哋要穿舒服嘅鞋，因為影相有時會行得多路。佢哋亦俾咗好多實用建議我哋，幫我哋減輕壓力😚。Big Day當日，我對 Ocean Wedding 嘅表現真係好滿意，尤其係佢哋嘅攝影師同攝錄師， 真係好專業👍。最令我感動嘅係佢哋剪嘅早拍晚播片，因為當日其實好忙，時間非常有限，但攝錄師真係好勁，係短短時間內剪到一條好精彩嘅片💕。我同我老公平時唔係太鍾意影相，但睇完條片都覺得非常感動。最特別嘅一幕係，因為我老公係孖生兄弟，攝錄師竟然偷偷搵咗我老公嘅哥哥，錄咗一段感人嘅獨白，呢段真係幾 touching。再加埋一張我老公同佢家人嘅合照，嗰個時刻真係好靚，親朋戚友都覺得好有feel🥹。